35
Pathian In Edom Dantatnak
1 Topa in,Ref 35:1-15 Isa 34:5-17; 63:1-6; Jer 49:7-22; Ezk 25:12-14; Amos 1:11-12; Oba 1-14; Mal 1:2-5;
2 “Mihing pa, Ezekiel aw,” Edom ngam phat ngawlnak thu hilhin hi.
3 Cungnungbel Topa, ka otmi hi hilhin:
“Edom mualsangte,
kei hi na ngal uh ing hi!
Ngamkhingin bawl tung hi.
4 Na khua uhte cu khualopin,
suaktik tung.
Na ngam uh cu ngamkhingah
bawl tung.
Topa ka hihlam cu
thei tuk uh ci.”
5 Israel i ngal hi leleng ci, a sual haw hangin nungdawlbel dantatnak a thuak haw ten le siatlalnak a tawh haw ten a mihingte thah tukin ngaisung ci.
6 Mah hangin keimah cu a nungmi Pathian Cungnungbel Topa ka hih bangin hilh ing: na lampi cu thihnak lampi hi, mah hangin luat thei tukma ci. Na mawhnak cu mi thah a hih hangin mithahnakin zui bok tuk hi.
7 Edom mualhum ngam cu ngamkhingin bawl tung a, mah ngamsung a hawhtu hempoh cu that tung hi.
8 Mualhum cu miluangin dimtik tung; ngalkhutin, a thi mitei luang tuah mualtuan, mual le luamte le munlawnte cu dimtik tung hi.
9 Kumkhua ngamkhingin bawl tung a, na khuapi tei sungah kuamah umleh haw tukma toh hi. Topa ka hihlam thei tuk uh ci.
10 “ Topa keimah hi, Judah le Israel Pathian hi naveng, mah ngam pa nih cu a ngam hempoh tuah keima ta hi, ti ci.
11 Mah hangin keimah hi Cungnungbel Topa, a nungmi Pathian ka hih bangin noh tei lakah hilh ing. Ka mihing tei humah thinuknak, iksiknak le huatnak na neih hangin lulleh bok tung hi. A hum hawah thil na bawlmi hangin ka bawlsiat cu thei haw tuk hi.
12 Israel mualsangte hi ngamkhing suak tuk a, ka nuanuamin, ei tung tin, zotsaknak tuah na otmi cu keimah Topa in ka zak lam cu thei tuk ci.
13 Ka humah pualthauzet le tuangkhawng zetin, na otlih mekmi cu za leng ing,” ti hi.
14 Cungnungbel Topa in, “Ngamkhingah bawl tung, mahti bangin na siat khawng cu leihum buppi in, amuh haw ten lungdam haw tuk hi.
15 Keima minam Israel tei siatsuahnak a tawh haw ten, na thincim bangin na humah bawlbok tung hi. Seir mualsangte le Edom ngam buppi in ngamkhingah suak tuk hi. Mi hempohin keimah hi Topa ing hi tih cu thei haw tuk,” ti hi.