34
Moses Thihnak
1 Moses cu Jerikho nisuahnak lam, Moab ngam munlawn pen Nebo Mual, Pisgah Muallekah hawhin, mahlaiah Topa in ngam pumpi cu lak hi: Gilead ngam, Dan khua tian,
2 Naftali ngam a venghawng, Efraim le Manasseh ngam;
3 Judah ngam hanglam, Zoar le tuumkung khuapi tihmi Jerikho laklawh munlawn cu lak khawng hi.
4 Topa in Moses lakah, “Na casuan tei lakah pia tung hi tin, Abraham, Isaak, le Jakob lak a, ka tepmi ngam cu hi ngamte hi. Nang cu amu bek mutik ing a; a heng cu heng tukma ci,” ti hi.Ref 34:4 Pian 12:7; 26:3; 28:13;
5 Mah hangin Topa i sal Moses cu, Topa i a tihsa zo bangin Moab ngamah thi hi.
6 Topa in Moses cu Bethpeor khua ngalden, Moab ngam munlawnah vui hi; mahnaven tuni tian a khaan cu hilai cikcekah hin hi tih a theitu kuamah um haw ma hi.
7 Moses cu a thih ten kum za le sawm nih hi; mi khan pha hi in, a tha kiam ma, a mit hei thim ma hi.
8 Israel mite cu Moab munlawnah ni sawm thum sung mithi ngai in um haw ceng ten, a mithi ngaih haw cu pha hi.
9 Nun capa Joshua cu Moses in, a humah khutsuanin sathau a thih zo hangin cihnak tuah dim hi. Israel miten Joshua i thu cu ngai in, Moses lak pen Topa i thupiakmi cu zui haw hi.
10 Israel mi lak pen Moses bang profet um awng haw ma hi, itahim titale maiton tatakin Topa tuah thusiamdun haw hi.Ref 34:10 Suah 33:11;
11 Topa in Moses hahin, Izipt kumpi, a khutnuai bawi le a ngam buppi humah thasiahhuai nalamdang a bawl bangin, akua profet hei in bawl awng haw ma hi.
12 Israel mipi tei muh cilcelin Moses in thasiahhuai mullinghah, nalamdang tampi a bawl bangin profet dang kuamah in bawl awng haw ma hi.