10
Tigris Ngunpi Ah Daniel i Muhnak
1 Darias in Persia kumpi a deh kum thumnakin Belteshazzar tih hei a sammi Daniel i lakah thu pa khat heng hi. Mah thu cu thudik hi naven theih haksazet hi. A lakah muhnak tuah a hilhciangmi hi.
2 Mahlai in nipi thum sung lunglengin um ing.
3 Nipi thum a kim laklawh an uk imah ei ngawlin cik hei ei mang; sabittui vangin mang, ka sam hei kiat mang hi.
4 Mah kum ha khatnak ha, ni sawm nih le ni li ni-in, ngun ngengzet Tigris Ngunpi mawkah ding ing.
5 Khua cuan ing a, mihing bang pa khat, nimzang ma neu tuah tahmi silhin, sui phabel taikhap a khaptu mu ing.Ref 10:5-6 Mang 1:13-15; 2:18; 19:12;
6 A taksa pumpi cu suangval bangin de hi. A mai cu khuaphelep bang vakin, a mitte cu mei alh bangin alh hi. A baan le a kete cu nawt ciangmi daal bangin de zawzokin, a aw cu mihonpi au thawm bang hi.
7 Mah langnak amutu cu keimah bek ing. Ka el a ummi ten imah mu haw ma hi, mahnaven lau zetin tai in mahten ngelh haw hi.
8 Keimah bek tang ing a, mah thasiahhuai muhnak cu zo li ing. Ka tha bo khawng, ka mitmai vang dang zetin kuamah in thei haw tukma.
9 A aw ka zak ten lei ah tu ing a, imah thei ngawlin bokkhup ing.
10 khut pa khatin keimah cu lenin, ka khut le ka khuk tuah vaktik a, can tawtok laih ing.
11 Vancungmi in, “Daniel, Pathian in nangmah it hi. Ding inna, ka hilh tukmi hi phano ngai in hi. Na lakah hahmi ing,” ti hi. Mahti bangin a hilh ceng bek ten dingto ing. Mahnaven can tawtok leleng ing.
12 Mahten amah in, “Daniel, lau pahsun. Theihtupnak nei tukin le niamkhiatnak nei tukin na khencat ni pen Pathian in, na thungetnak thei hi. Na thungetnak pia tukin hung zo ing.
13 Persia ngam cingkhawitu vancungmi in, ni sawm nih le ni khat sung kham hi. Itahim titale Persia ngamah keimah bek zammi ing.Ref 10:13, 21 Mang 12:7;
14 Mailam ten a mihing tei humah i heng tuk hum tih theitik tukin hung zo ing. Hi muhnak cu mailam ca,” ti hi.
15 Mahti bangin a ot ten, ka humlam bek zo ing hi, awn thei ngawlin um ing.
16 mihing bang vancungmi in, a khut suahin ka muk zen hi. A lakah, “ Topa hi muhnak hin ka thabotik khawngin ti hing pha thei ma hi.
17 A bawipa i mai ah a dingmi sal bang ing. Na lakah itin kaw ka ot theih tuk? Tha imah nei mang, haihawh tuk hei nei mang tin ti ing.”
18 Keimah cu zenleh leu a, tha nei deuhin theicop ing.
19 Amah in ka lakah, “Pathian in nangmah it hi. Mah hangin imah lau pahsun, imah in lautik pahsuh hen,” ti hi.
Mahtin a tih ten tha nei deuhin, theidun ing a, ama lakah, “Bawipa, na hilh tukmi cu hilhin hi. Tha nei deuhtik zo ci,” tin ti ing.
20-21 Amah in, “Ita na lakah hung kam ing, tih hi thei cim maw? Thutak Laibu sungah a ngat haw mi cu na lakah phuang tukin hung ing. Atu-in Persia ngam cingkhawitu vancungmi do tukin kikleh tung hi. Mah nungten Grik ngam cingkhawitu vancungmi lang tuk hi. Israel ngam cingkhawitu vancungmi Mikhael sialngawl keimah bawmtu kuamah um haw ma hi.