9
Topa i Thukhennak
1 Topa cu biaklandawh elah a din mu ing. Thupia in, “Biakinn khuamlu bolte vat inna, pualeu lam tian hing khawng tahen. Sukeh khawng inna, mipi tei lu humah cak khawng hen. Midang hempoh cu ngal tei kut tuah thitik khawng tung. A kuamah luat haw tukma; pa khat hei taitul zo haw tukma.
2 Mithi khua Sheol ah ngelh tumin, lei khuk a co haw hei in, pholh suak leleng tung. Vanhumah a kaito haw hei in, doksuk leng tung hi.
3 Karmel muallekah a ngelh haw hei in, zeito bebel tung. Keima lak pen tai in, tuipi thuanthum tawah a ngelh haw hei in, tui sung a, ngulpi thupia in, ciktik leng tung hi.
4 A ngal haw ten manin, a ngamah a puitul haw hei in, that khawng tukin a ngalte thupia tung. Hi mite hi ka mitphelep ngawlin zo kiukeu leng tung; amuh bop tuk tum hihim mang, siatsuah khawng tuk bebek tum ing,” ti hi.
5 Cungnungbel Topa Pathian in,
lei cu tawngkhasuk hi;
a tawt khak ten hing het hi.
Leihum mi hempoh
thasia haw hi.
Leihum pi cu
Nail ngun bangin,
kiam tuak, khang tuakin
um tuk hi.
6 Topa in vancungah
a umnak tuk bawl hi.
Van cu leihumah a kumpi in koih hi.
Tuipi thuanthum tuite cu
samin leihumah leihsuk hi.
A min cu Topa hi.
7 Topa in, “Maw Israel mite, nangmuh bangkekin, Ethiopia vang ngaisungzet bok ing. Izipt ngam pen ka puitul bangin Filistin mite cu Krete ngam pen puitul ing a, Siria mite cu Kir ngam pen puitul ing.
8 Keimah Cungnungbel Topa in, hi miphun ngilo, Israel kumpi ngam cu zo kuh lelengin a, leihum pen siatsuah tung. Mahnaven Jakob casuante cu nase zetin siatsuah tuk mang.
9 “Thupia tung a, Israel mite cu khocang zing tuah an a sak haw bangin sa tung hi. Nemcuamnak nei ngawl mite vawk tukin miphun tampi sung pen sa kawkawi tung hi!
10 Ka miphun tei sung pen haksatnak cu Pathian in ohtei humah hengtik tukma, a titu mi ngilote cu ngalkhutin thi haw tuk,” ti hi.
Israel Damtik Lehnak
11 Topa in, “Inn cim bangin a cim sa, David ngam uknak ka tundin lehnak tuk ni cu heng awndiak toh hi. A pangte lemlehin, dingtikleh tung hi.Ref 9:11-12 Nung 15:16-18;
12 Mah hangin Israel miphun a tang calam ten Edom ngam cu neh khawng haw tuk a, kata ahi awngmi miphun hempoh vang nehleh khawng haw tuk,” ti hi. Hite a piangtiktu tuk Topa in ti hi.
13 Topa in, “Hunte heng tuk a,
lo an cu lak celh ngawlin
khang tuk hi,
sabit cu sabittui in
bawl celh ngawl
tuk tian tam tuk hi.
Mual sangpi hum pen sabit hum
luang duaduahin,
mualhum pen tui bangin
luang tuk hi.
14 Ka mihingte amu ngamah
pintikleh tung.
A sesa mi a khua haw dinlehin,
mah munah nungcaleh
haw tuk hi.
Sabit huan bawl haw tuk a,
sabittui in haw tuk hi.
Huan bawlin a cin haw mi
ei haw tuk hi.
15 A nel haw a, ka piakmi ngam sungah
ka mihingte cu
phut tung a bawhleh tih
um tukma toh hi.”
Topa na Pathian uhin
hilh zo hi.