3
1 Cacuonakawta, Khrih hne pathu pakhaapa nama cuo kieca, Khazing cacuo luota a tupa Khrih a awnapa cungluo hmang kha huv tie ung.
2 Nama pathiypalung kha cungluo hmang lie chi ungla, chuelyi hmang lie chi kha ung.
3 Tahematapakieca niema ca thiy tli ung cate nama hringna ca Khrih hneta Khazing chunglie nupa tana nama cuo.
4 Namanote 3:4 Hluo vie caa-uv lieca ma hringna* a ta. hringna ta a cuopa Khrih kha aa luo thueta niema zaw ama hneta rungnaana hne namaa luo ra aa.
5 Cacuonakawta nama chunglie a awpa chuelyi hmang: aparuvsuena, a pyalyipa hringna, khingna cahratuvna, a pha lipa khingna, hne karuo-awna (karuo-awna ca kuvtuezuv abiena phangkha tana a cuo) bangkhuo kha thie tie ung.
6 Capa zaw nakawcata Khazing hihaana ca ri a ngie lipa tienote 3:6 Hluo vie caa-uv lieca ri a ngie lipa* tapa hing aw vyi. cunglie a tlung aa.
7 Hingpa zaw hing iema hrawlie nama za aw ningta niema zaw nama za ziypa hringzya tana a cuo.
8 Cuorasala ata hing ca hihaana, pathiy chiena tapa tie kha thaw ungla, malie kaw rina, malie thuopachina tapa tie kha nama pakaa taata pya kha se.
9 Pakha hne pakha kha a dung kha ung. Nama cuona hlung ca a zyazaa hne khata thlie siy tli ung cate,
10 hringna thaa kha namaa hryi tli. Capa hringna thaapa ca a satuv hminghmie a lu riypata pachangna chunglie kha sapathiypa ta a cuo.
11 Ca sapathiyna chunglie ca, Krik ming hne Judah ming tapa cuose, vangdaw tepa hne vangdaw te lipa tapa cuose, a ngaapa, saruopa haata a ngaapa phang, sii hne hyazangpa, tapa aw vyi. Cuorasala hmangting zawdya kha Khrih ta cuote hmangting zawdya chunglie kha a aw.
12 Khazing ta caa tlaw yite, a pathesapa hne a duepa nama cuona haata, kawpacuona, ngiechina, rawcanawna, palungnena, hne palungpasiyna kha hnyi tie ung.
13 Pakha hne pakha kha a chaw law ungla, pakhakha ta a hrangpa pakha cunglie kha palung tling lina a hnyi kiezawma a ngiethe tie ung. Abyipanote 3:13 Hluo vie caa-uv lieca Khrih ta* a ta ta niema acaa ngiethepa haa yi khata niema zaw pakha hne pakha kha a ngiethe tie ung.
14 Ca bangkhuo khutaa cata duena kha chachiy tie ung. Duena ca hmangting zawdya kha achaw-arawsa pata hne tluotlingsa pata a sawpakhawpa tana a cuo.
15 Nama pathiypalung kha Khrih diena ta ca uv yi se. Hmisi ta ripa kieca capa luo cana pangkha cuo riypa ta kupa nama cuo. Nama palung tluo se.
16 Khrihnote 3:16 Hluo vie caa-uv lieca Khazing a cuo li kie Abyipa* a ta. bie ca nama chunglie kha aw sala, singna ta pakha hne pakha kha a pacuv ungla a pasiy-apaya ung. Sam hlaa, Khrihsaa hlaa hne pathuosana hlaa kha palungtluona hne Khazing'anote 3:16 Hluo vie caa-uv lieca A byipaapa'a luo* a ta. luo sa tie ung.
17 Khaapa bie nama ri zaw, khaapa hmang nama tue zaw, Abyipa Zingsuv ming ta ri ungla tue tie ung. Paa Khazing ca ama thue khata pathuosa tie ung.
18 Napuvnung zaw, nama navaapa ri kha a ngie ung; khrihsaa nama cuopa haata Abyipa'a lie nama tue riypatana a cuo.
19 Navaapa zaw, nama napuvnung kha due ungla bie-ahruopa ta chaw kha ung.
20 Haatiy zaw hmangting zawdya lie kha nama nung hne paa ri a ngie tie ung, tahematapakieca caca Abyipa'a lieta cuhluo aa tlapa nama hrievu tana a cuo.
21 Paa zaw, nama saata kha ama hi pahaa kha ung, ama palung na a ra pathlyi aa.
22 Sii zaw, hmangting zawdya lieta nama chuelyi ziy tie ri kha a ngie tie ung, aca hmungna lie yi ama palung patluo riypa dyi cuo li pata, pathiypalung hmisi hne Khazing ciyzaana cangta cuose.
23 Khaapa re a cuo zaw, palunghmisi ta hrie ungla, nama ziy huo haakhata cuo li pata Abyipa huo haakhata hrie tie ung.
24 Abyipa'a taata nama cu riypa ru khana nama lawmuo ta a cuo aa tapa kha nama pachang. Abyipa Zingsuv re a hriepanote 3:24 Or Sii tana nama cuo.
25 Tahematapakieca hmangpha lipa a tuepa ca a tuepa hmangpha lipa cuota duotena kha a ang aa. Abyipa'a lieca pahlyipalena aw vyi.