CAUNG: KHIN" 87
Yerusalem Re Caung:khin" Ra" Khyo
(Kora kaung boe: peim: ra" Nghaui"caung:)
1 Asang wa yao" vomo" re
gyang" lho" ra" bug gaung dao mae te" to" ra".
2 Yao: wa Israel mung" mae jo; ra" jo, qo gatau jham tho' mae
Yerusalem vomo" re je: jhid'de; ra".
3 Mao"So: vomo" we"- nao we' sin: yang: yao: ta" ra"
mug: pho: mau" zo" jham: khyo re tae" gyo: wa,
4 Nga" mho dao: gyo: mung: phug' cao" ra" mung"dan: jham: nho: japhin: yu: au: re ngo wa Egutu we' Babelon re bo:ke' nae".
Yerusalem vobyu qe: phaung mae
Philisti- Ture we' Kusha mae" byu qere boke' yu nae".
5 Ziun we' sin: yang: wa- byumyu" alhab' re yao" yang sang mung: yao: re qam: bo: thao" ra"
Asang: yang qam: bo nhao nae" ga: ta" li" genae".
6 Asang wa byumyu" qe: japhin: tung" mung:
yao: bam re Yerusalem vobyu qekhyo" bo:ke' yu: li" nae".
7 Yao: bam wa go" nhan" mung:-
Ziun mae ngonhaung" nho: shaman" jeju alhab' nho: apan aqao: jo; ra"- ga: nghaui"caung: genae".