CAUNG: KHIN" 82
Qi" Thao" Yaug Mao"So
(Asab peim: ra" Nghaui"caung:)
1 Mao"So wa mug:gaung: lab do, qe, mo" mae tao" sang kad' na: ra".
So jham: mo, phaung gaung: mae yao" myid: phyid' rure yao: bam re byid' ra".
2 Naonhaung" wa madin: man" ra" dao: kho' rumae" thang: pye' ca" ko" ra".
Makhyang: mashab mo, shad' khyo jhin: yang: myo, nho dakhyin ge,
3 Myaung mo, we' cug' zonau" qe: ra" akhang" re gug: gam byid: ge,- bao" yu byu maqo" mung: qug: khai:
qhug' mo, re dangman" ra" khyo" bao" yu byid: ge,
4 Yao: bam re makhyang: mashab mo; lo, mae" khyad' yu ge,
5 Naonhaung" wa khonho" maba: myid ko" i? Khonho" nhag' magyang: ko" i?
Naonhaung" wa dace' re: magai: yu losho' akyang qeim vako" ra"- mug: myid dao mae" dangman" ru byaug: byaug va".
6 Naonhaung" wa so jham ngad: ako". Naonhaung" alhab' wa
myhao: thao" yaug: yao: zo: qe ngad: ako" ein: ngo ta" va".
7 Ngadqere: naonhaung" wa byu qere" ru: shid: lo" li" genae".
Naonhaung" kao so' wa kho:kham nau" kao so' ru: gan: lo" li" genae".
8 Mao"So we"- Li" mung: mug: myid re eib wa,-
byumyu" alhab' wa ni" byu ngad: ako".