CAUNG: KHIN" 70
Bao" Thaug' Yu Nae" Mho' Yao: Ra" Thoe
(Ckh 40:13-17)
1 O" Mao"So we"- ngore khyad' yu la,
Asang we"- ngore ana" khyad' yu la,
2 Ngo re se' nae" phin" na mo, seim" lo" mung: nhag' cad' no:yaug mung: lo" vageshao:-
Ngo qug: khai: qhug' rure qu" ngaui: na mo, yao: bam yao: dam: de, zo: mung: nga: yeim myo, nho ngai geshao:.
3 Ngo re jung" mo, wa yao: bam
yao: jeim" lo" ruyang nhag' ngai geshao:
4 Nao jhao" li" mo, alhab' ngaui bau: ngaui lho" na geshao:.
Ni" khyad' yu: ra" khyo re jeju beim: so: mo, alhab' wa Mao"So qi" qhang: thao" va"- ga: khonhae" re: ata" na geshao:.
5 Ngo wa qam: nang: mung: myaung sho: yaug ngad:- O" Mao"So we"- ngojhao" phyad za: li" wa,
O" Asang we"- nao wa nga" khyad' yu: khyo we' nga" Asang ngad: ra". Ngo re phyad li" bao" yu la,.