CAUNG: KHIN" 148
Asang Re Caung:khin" Nae" Qhid' Mae" Mug:kin Geim" Re Khai: Ru
1 Asang re caung:khin" byid: ge,- Asang re mug:gaung mae caung:khin" ge,
Qho"- tho' zhao" myhao mae na ko" ra" naonhaung" we"- Asang re caung:khin" ge,.
2 Yao" mug: lagyo: qe alhab' we"-
yao: re caung:khin" ge,- mug: khaung mae" yao" gyetab alhab' we"- yao: re caung:khin" byid: ge,.
3 Ba we' lho" we"- yao: re caung:khin" byid: ge,.
Bao: ra" kyi jham we"- yao: re caung:khin" byid: ge,.
4 Myhao: thao" ra" mug: khaung jham we"-
yao: re caung:khin" byid: ge, Mug:gaung: atho' mae" qid jham we"- yao: re caung:khin" byid: ge,.
5 Yao: bam alhab' mo, wa- Asang: mang a re caung:khin" byid: vageshao:-
yao: amyin" byid' ke' mung:- yao: bam re phan" thug' ke' ra".
6 Yao" amyin" dao: khyo"- yao: bam: jo, qo mae apyad ato jo; jo, nhao: ra".
Aimung: yao: bam wa mho dao: magyo: lo: maqo" kad' ngad: ako".
7-8 Pang:lai: mao jaung: jham we' no; ra"
nammugdara tham: alhab'- lhe' cad' we' lagqu- gyu: we' jham thaui: jham we' yao" amyin" dao: re gyo" ra" aug'la mo" qe we"- Asang re myid gaung mae" caung:khin" ge,
9-10 Bug gaung jham we' bam jham- shi: gae jham we' sag mo" yo jham-
gug'nyhug' jham alhab'- amai" we' akyao- yoe" du" lhau: ra" ja: we' ngho' jham alhab' we"- yao: re caung:khin" ge,.
11-12 Kho:kham qe we' mung" byu qe alhab'-
kho:kham nau" qe we' zug: gatau alhab'- zomyi: nau" qe we' zolau: nau" qe- mao: zo: qe we' zoshao qere: yao: re caung:khin" byid: ge,.
13 Ai bam alhab' mo, wa- Asang: mang-a re caung:khin" vageshao:- yao" mang wa mang gaje alhab' tho' je: qi" qhang: ra".
Yao" nho: phungbao wa myidgaung we' mug: khaung atho' mae jo; ra".
14 Yao: wa yao" byumyu" re qam: bo: jo, nhao: ra".
Aimung: byumyu" alhab' wa yao: re caung:khin" li" genae". Yao: re gyai jhid'de; ko" ra" Israel byumyu" re qam: qo" nhao: ra".
Asang re caung:khin" byid: ge, wo".