CAUNG: KHIN" 142
Bao" Yu Nae" Qhid' Mae" Akyu" Mho' Dao:
(Hebre Dao: Au:- Laug aug' mae laung" jo; au: Davi peim: ra" ji:- Akyu" mho' dao:)
1 Ngo wa Asang re Bao" yu la, ein:- mho' na:- yao: re ngo mho' yao: na:.
2 Nga" myid mae kham zo" na: ru alhab' re
yao: jhao" ci:ye: va"- yao: re nga" qug: khai: alhab' ta" kyo: va".
3 Ngo alaug za: aseim" byid' pye' au:- ngo khoru: kad' ang: rure yao: ba: ra".
Ngo su" lo" ra" khyo mae nga" gyevo qe wa- nga" qhid' mae" lha" thaung: to" ako".
4 Nga" avai: ayae khyo qu" ke' re ngore bao" yu nae" byu dayaug rere: ngo mamyao-
Ngo re gug: gam byid: nae" byu mana Ngo re khag' maqo" qu" caung byid: ngad: ako".
5 Asang we"- ngo wa nao jhao" bao" yu la, ein: mho' ke' ra".
Asang we"- nao wa ngore gug: gam byid: yaug ngad: ra". Nao wa ce:pyad mae ngo o: ra" ru alhab' ngad va" ra".
6 Ngo wa gyai nhag' lam: thao" na: ruyang bao" thaug' yu nae" qhid' mae"
ngo mho' yao: rure tae" gyo: byid: la,- nga" gyevo qe: lo, mae" ngore khyad' yu byid: la,- yao: bam wa nga" qhid' mae" qam: saung" qi" ako".
7 Nga" nho: nhag' ngai nhag' lam: thao" rumae" ngore loe; beim nhao: ke' byid: la,-
aire ngo wa nao ngore kad' byid' ra" agai: mathao mae ni" nho: byu phaung gaung: mae nao re caung:khin" byid: nae".