CAUNG: KHIN" 136
Jeju Beim: So" Ra" nghaui" caung:
1 Asang wa- gai yaug ngad mung: yao: re jeju caung: ge,-
Yao" jhid'de; myid wa apyad ato ngad: ra".
2 So alhab' tho' je: qi" qhang: thao" yaug re jeju caung: ge,
Yao" jhid'de; myid wa apyad ato ngad: ra".
3 Asang alhab' tho' mae je: qam: bo: thao" yaug re jeju caung: ge,-
Yao" jhid'de; myid wa apyad ato ngad: ra".
4 Yao: dayaug za: qi" qhang: ra" mug' pho: ve, lho jham kad' ra".
Yao" jhid'de; myid wa apyad ato ngad: ra".
5 Yao: wa- yao" pha,jhi" yang mug:gaung re phan" to" ra".
Yao" jhid'de; myid wa apyad ato ngad: ra".
6 Yao: wa myid gaung re no; ra" qid tham: mae zhaug' to" ra".
Yao" jhid'de; myid wa- apyad ato ngad: ra".
7 Yao: wa ba we' lho" re phan" to" ra".
Yao" jhid'de; myid wa apyad ato ngad: ra".
8 Na" re eib nae" ba re phan" to" ra".
Yao" jhid'de; myid wa apyad ato ngad: ra".
9 Myi" re eib nae" lho" we' kyi jham re phan" to" ra".
Yao" jhid'de; myid wa apyad ato ngad: ra".
10 Yao: wa Egutu qenho: yauggai zoqhid' qere se' pye' ra".
Yao" jhid'de; myid wa apyad ato ngad: ra".
11 Yao: wa Israel byumyu" re Egutu mae" jhui" thug' lo: ra".
Yao" jhid'de; myid wa apyad ato ngad: ra".
12 Yao" nho: qam: bo: ra" lo, we' qam: qi" ra" lo, pau" yang jhui" thug' lo: ra".
Yao" jhid'de; myid wa apyad ato ngad: ra".
13 Yao: wa Pang:lai:: Nae re kho' pye' ra".
Yao" jhid'de; myid wa apyad ato ngad: ra".
14 Yao: wa yao" byumyu" re ai: khyo" jhui" lai: lo" ra".
Yao" jhid'de; myid wa apyad ato ngad: ra".
15 Ngadqere: yao: wa- Egutu kho:kham we' yao" zug: qere qid mae nab: shid nhao: ra".
Yao" jhid'de; myid wa apyad ato ngad: ra".
16 Yao: wa yao" byumyu" re din"pyad' yo khyo" jhui" lai: lo: ra".
Yao" jhid'de; myid wa apyad ato ngad: ra".
17 Yao: wa qam: so' bo: ra" kho:kham qere se' pye' ra".
Yao" jhid'de; myid wa apyad ato ngad: ra".
18 Yao: wa mang qi" ra" kho:kham qere se' pye' ra".
Yao" jhid'de; myid wa apyad ato ngad: ra".
19 Amon byumyu" nho: kho:kham Sihon re se' pye' ra".
Yao" jhid'de; myid wa apyad ato ngad: ra".
20 Bashan kho:kham Oga rere: se' pye' ra".
Yao" jhid'de; myid wa apyad ato ngad: ra".
21 Yao: wa yao: bam: mug: myid re yao" byumyu" qe: lo, khyo byid' pye' ra".
Yao" jhid'de; myid wa apyad ato ngad: ra".
22 Yao: wa aijham re yao" byumyu" Israel qere byid' pye' ra".
Yao" jhid'de; myid wa apyad ato ngad: ra".
23 Ngonhaung" gye seim" ra" au: yao: ngonhaung" re mato" myhid'.
Yao" jhid'de; myid wa apyad ato ngad: ra".
24 Yao: wa ngonhaung" re- ngonhaung" gyevo qenho: lo, mae" loe, beim nhao: ra".
Yao" jhid'de; myid wa apyad ato ngad: ra".
25 Yao: wa daui: ra" gug'nyhug' alhab' re zo:ve byid' ra".
Yao" jhid'de; myid wa apyad ato ngad: ra".
26 Mug: khaung: mung"dan: mae" Mao"So re jeju beim: so: ge,
Yao" jhid'de; myid wa apyad ato ngad: ra".