CAUNG: KHIN" 130
Bao" Thaug' Yu Nae" Mho' Yao: Ru
(Do, lo" au: mae" nghaui" caung:)
1 Asang we"- nga" nhag' lam: xo sho' ngai: jo; rumae" Asang nao re ngo khai: yao: ke' ra".
2 O" Asang we"- nga" nho: hug' yao thoe re gyo: byid: la,-
bao" thaug' yu nae" qhid' mae" ngo khai: rure tae" gyo: byid: la,.
3 Ngonhaung" nho: qobo jham re nao tung" xam" to" ngad: re wa
dao: phyid' rumae" khag' qo" loe, nae" i?
4 Ngadqere: nao ngonhaung" re qobo khyad' pye' byid: mung: ngonhaung" wa
nao re gyaug phug' zo" re" na: bam nae".
5 Ngo wa Asang: yang bao" thaug' yu nae" rure kao bau taung" lao" na:- amung:
yao" dao: kheim: re ngo khug: ngha: na:.
6 Gye lhaug' yaug mug: bo" li" nae" rure so' kho' so' yao lao" na: ra" tho'-
gye lhaug' yaug mug: bo" li" nae" rure lao" na: ra" tho' mae" ngo wa Asang re kao bau taung" lao" na:.
7 Israel we"- Asang mae khug ngha wa,-
pe"mung:ga"re yao" jhid'de; myid wa abang mabyid ngad mung: yao: wa khonhae" re: khyad' yu nug: ra".
8 Yao: wa yao" byumyu" Israel qere yao: bam: qobo jham
alhab' mae" khyad' yu: li" nae".