CAUNG: KHIN" 129
Israel Nho: Gyevo Qe Seim" Nae" Qhid' Mae" Akyu" Mho' Dao:
(Do, lo" au: mae" nghaui" caung:)
1 Israel we"- nao ngai shi" au: mae" ana" joe" sho' ni" gyevo qe:yang
nao re khoru: deim" zag: zo: ru ngonhaung" re ta" kyo: la,.
2 Ngo ngai shi" mae" nga" gyevo qe wa ngore se' da: be, khyad' kad' lo: ako".
Ngadqere: yao: bam wa ngore maqo" aung ngad: ako".
3 Nga" dao kao" mae dae jam: aqi: te' byid: mung: aire
qho:vo: yo we' dakhyo: kad' ako".
4 Ngadqere: din:man" ra" Asang wa
ngore jeim boe" na: rumae" lhoe' ke' ra".
5 Ziun re nghang" ra" mo, yaug khao: ngo" wa
seim" mung: dam: tug' phao: lo" vageshao:.
6 Yao: bam alhab' mo; wa yham khaung dao mae yaug mung:
maqi" li" shi:re kyaug' shid: lo" ra" mhin: zo: we' dau vageshao:.
7 Ai: mhin: re khag' yang re:
mazhang: yu vageshao:- mangad: lao" dang" yu yang: mavo; lo" vageshao:-
8 Ayae khyo" lai: lo" mo, khag' re:- Asang nao re shaman" byid: vageshao:-
Asang: mang mae nao re ngonhaung" shaman" byid' ra"- ga: mata" genae".