CAUNG: KHIN" 127
Mao"So Gai: Ra" Khyo Re Caung:khin" Ru
(Do, lo" au: mae" Sholu nho: nghaui" caung:)
1 Asang wa yham re mazhaug' ngad: re- ai: yham zhaug' ra" mo; lo, mau" wa aje amyid ngad: ra".
Asang wa ai vomo" re magug: gam byid: re lhaug' zaung" ra" mo, aje lhaug' zaung" pye' ako".
2 No'no' mae" to" mung: yab yo, lai sho' mau" jam: khao" ngadqere: aje ngad: ra"-
pe"mung:ga"re Asang wa yao: jhid'de; ra" mo, re yao: bam yab; jo, shi:ko" au: mae" shaman" byid' ra".
3 Myid:zo: qe wa Asang mae" jhaung qhu" ngad: ako".
Yao: bam wa shaman" jeju agyang" yao: ngad: ako".
4 Byu dayaug apyad ngai shi" au: re qo" ra" yauggai zo: qe wa gye sulhe: pho" nho: lo, khug mae" myo:khe' jham we' dau: ako".
5 Airu" ra" myo:khe' myo: sho' qo" to: yaug wa ngaui lho" ra".
Yao" gyevo qe we' jho" qhug' mung: dao: jho" kho' ra" jo, qo mae yao: wa khonhae" re: seim" nae" mangad:.