CAUNG: KHIN" 122
Yerusalem Re Caung:khin" Ru
(Do, lo" au: mae" Davi nho: nghaui" caung:)
1 Asang: yham khyo ye: gelang: ga: yao: bam ngore ta" gelao" ngo ngaui bau" na:.
2 Amung: ana" kam" wa Yerusalem
vogaung: kham: mo" jham: khug mae ngonhaung"' joe" na bam va".
3 Yerusalem wa- yaung" lho" qu" dau: ra" khyo" dam: te" to" ra" vomo" ngad: ra".
4 Ce: mae Israel byumyu" kaung qe joe" li" mung: Asang re yao: byid' to" ra" tarha" we' dakhyo: jeju beim: so" ra" jo, qo ngad: ra".
5 Ce:mae Israel kho:kham qe zaung mung: yao: bam: mung" byu qere tarha" kho' phyid' byid' ako".
6 Yerusalem ngaui pyo: yaug yo nae" akyu" mho' ge,-
Nao re jhid'de; ra" mo, na: dai vageshao:-
7 Ni" nho: vang khug mae ngaui pyo: yaug yo: ru jo, vashao:- amung: ni" kho:kham kho" mae gug: gam: ru jo; vashao:.
8 Nga" ba nam sang: cao: qe we' mao:nhaung: qe: mathao mae nao mae Ngaui Pyo: Yaug Yo: ru jo, vashao:- ein: Yerusalem re ngo ta".
9 Ngonhaung" nho: Mao"So Asang yham mathao mae ngo wa ni" nho: na: dai khyo qhid' mae" akyu" mho' ra".