CAUNG: KHIN" 121
Ngonhaung" Re Gug: Gam Byid: Yaug Asang
(Do, lo" ra" au: mae" nghaui" caung: dao:)
1 Ngo wa bam jham khyo qu" ke' ra"-
Ngo re bao" yu nae" ru wa khai: mae" joe" li" nae" laug i?
2 Ngo re bao" yu: ru wa mug:gaung we' myid gaung re phan" to" ra"
Asang mae" joe" li" nae".
3 Yao: wa nao re gyang: lang: nhao nae" mangad:-
nao re gug: gam byid: yaug wa khonhae" re: aso" na: jo, ra".
4 Israel re gug: gam byid: yaug wa-
khonhae" re: yab nghoe" manghoe"- yab re: mayab: myhid' ngad: ra".
5 Asang wa nao re lhaug' zaung" byid' li" nae".
Yao: wa nao re gug: gam byid: nae" qhid' mae" ni" nhae mae na: jo; ra".
6 Na" ayo, mae ba wa nao re dae te' li" nae" mangad:-
myi" ayo, mae re: lho" yang nao re dae mano nhao nae".
7 Asang wa nao re gyaug ci" ja: alhab' mae" gug: gam byid' li" nae".
Yao: wa nao re gug: gam taung" jhui" na: li" nae".
8 Yao: wa nao re ana" ngadqere:-
apyad ato mae ngadqere:- nao thug' lo" vao lo mae gug: gam byid' li" nae".