CAUNG: KHIN" 100
Caung: Nghaui" Ra" nghaui" caung: Dalam:
(Jeju beim: so" ra" Nghaui"caung:)
1 Mug: myid geim" we"- Asang re caung:khin" ge,-
2 Asang re ngaui bau: ngaui lho" caung:pa" ge,-
Yao" nho: qhid' kheim: khyo ngaui bau" ra" nghaui" caung: jham we' vao ye: ge,.
3 Asang wa Mao"So ngad: rure kham: yu ge,- yao: wa ngonhaung" re phan" to: mung:
ngonhaung" wa yao: we' sin" ra" mo, ngad:- ngonhaung" wa yao" byu qe ngad mung: yao" yao kyaung" ngad:.
4 Caung:pa" Yham kham: dung: khyo jeju beim" ra" nhag' lam: we' vao ye: ge,-
ai: yham vang" khug khyo caung: dao: we' ye: ge,- yao: re jeju beim: mung: caung:khin" ge,
5 Asang wa gai: ra"- yao" jhid'de; myid wa
apyad ato ngad: ra". Yao" nho: jhaug' zaug: ru wa apyad ato gang" tang: jo; ra".