2
Jamu Mae Amyu" Qenho: Mau" Pyo: Ru
1 Asang wa Moshe we' Arun tao re o mae ta" ra" pyang dao: jham re byid' ra".
2 Israel byu qe jamu mae jamu kad' gelao"- yaug khao: ngo" wa yao: yao" amyu" kaung: nho: khyi we' yao: yao" tab nho: khyi qao: mae jamu kad' nae" ngad: ra". Thang: na: ra" jo, qo Zaung wa ai: jamu lhang" gam: mae kad' nae" ngad: ra".
3-9 Yuda nho: tab wa ba thug' shad' mae yao: bam: tab khyi jham: qao: mae o mae tung" to" ru we' dakhyo: yao: bam: yao" phung: re yao: bam: au: jhaung qe: qao: mae- jamu kad' nae" ngad: ako".
Yuda tab wa sao qhid' ye" lo" nae" ngad: ra".
10-16 Rubin nho: tab wa mug: thao shad' mae yao: bam: tab khyi jham: qao: mae o mae tung" to" ru we' dakhyo:- yao: bam: phung: jham re- yao: bam: au: jhaung jham: qao: mae jamu kad' genae" ngad: ra".
Rubin nho: tab wa aso: shid' lam" lam: mae ye" lo" nae" ngad: ra".
17 Ai: thao- sao qhid' shid' tab we' thao shid' tab: agyo: mae Levi amyu" qe wa Zaung re dao mung: ye" lo" nae" ngad: ako". Yao: bam thang: na: ruru: yao:- phung: khao: ngo" yao: yao" khyi qao: mae jo, qo malai: lo:- tab khao: ngo" dakhyo: za: yao" jo, qo mae yao: ye" lo" nae" ngad: ako".
18-24 Ephrim amyu" tab wa ba vao shad' mae yao: bam: tab khyi jham: qao: mae- omae tung" to" ru we' dakhyo:- yao: bam yao" phung: re yao: bam: au: jhaung qe: qao: mae jamu kad' nae" ngad: ako".
Ephrim amyu" tab wa aso: sam lam: mae ye" lo" nae" ngad: ra".
25-31 Dan amyu" tab wa mug: am: shad' mae yao: bam: tab khyi jham: qao: mae o mae tung" to" ru we' dakhyo:- yao: bam yao" phung: re yao: bam: au: jhaung qe: qao: mae jamu kad' nae" ngad: ako".
Dan amyu" tab wa lo" thao" mae ye" lo" nae" ngad: ra".
32 Israel byu qe phung: we' phung: kho' yang: tab jham mae mang ke' ko" ra" mo, alhab' wa 603,550 zo: ngad: ako".
33 Asang: yang Moshe re amyin" byid' to" ru we' dakhyo: Levi amyu" qe wa dang: ra" Israel amyu" qe we' daga" mang gaug: yu: ru maqhug' ko" ngad: ra".
34 Airumung: Israel byu qe wa Asang: yang Moshe re amyin" byid' to" ru ja: khao: ngo" re kad' ako". Yao: bam wa yaug khao: ngo" yao: yao" khyi qao: mae thang: na jamu kad' mung:- yaug khao: ngo" yao" yao" amyu" kaung we' daga" ye" lo" ako".