16
Ephrim We' Manashe Amyu" Qere Jaung Byid' Mug: Myid
1 Yerikho qid thug' jham: ba thug' shad'- Yerikho nhae Yodan gyaung: mae" qhid yang: din"pyad' yo khyo lo" ra" mung"dan: nho: mug: thao shad' mug: kyo: re Yoseb nho: myid:zo: qere jaung byid' ra". Ai: mug: kyo: wa Yerikho mae" bam mug: Bethela joe" sho' do, lo" ra".
2 Bethela mae" Luza- Arkhi byu qe na ko" ra" Atarod Adda khyo lai: phyid' ye" lo" ra".
3 Aimae" ba vao shad' Yaphleti byu qe: mug:myid khyo lai: ye: mung: Bed Horon o: dau joe" sho' lai: ye" lo" ra". Aimae" Geze khyo lai: ye: mung: Mug:gaung: panglai: mae yethao" ra".
4 Yoseb nho: myid:zo: qe ngad: ra" Ephrim we' ba vao shad' mae" Manashe amyu" qe wa yao: bam: jo,nho" khyo" ce: mug:myid re qo" yu: ako".
Ephrim
5 Ce wa Ephrim amyu" yham khaung qenho: mug:myid ngad: ra". Yao: bam: mug: kyo: wa Atarod Adda ba thug' shad' mae" Bed Horon tho' dau we'-
6 Aimae" Mug:gaung: panglai: joe" sho' ngad: ra". Mikhmethad wa yao: bam: mug: am: shad' khyo ngad: ra". Aimae" ba thug' shad' mae" mug: kyo: wa Tanad Shilo shad' khyo kaui: lo" mung: ba thug' shad' Yanoa khyo lai: phyid' ra".
7 Aimung: mug: kyo: wa Yanoa mae" Atarod we' Naara Yerikho joe" gyo" lo" mung:- Yodan gyaung: mae lo" thao" ra".
8 Tapua mae" ba vao shad' Kana gyaung: zo: khyo lai: lo" mung: Mug:gaung: panglai: mae lo" thao" ra". Ce: mug:myid wa Ephrim amyu" yham khaung qere yao: bam: jo,nho" khyo" byid' to" ra".
9 Manashe mug: kyo: cao" yang: vogaung: we' vongai damyo" bobo: ako". Ngadqere: Ephrim amyu" qere byid' ra".
10 Ngadqere: yao: bam wa Geze mae na ko" ra" Khanan byu qere makhe' thug' pye' ngad: ako". Aimung: ana" ba joe" sho' Khanan byu qe wa Ephrim amyu" qe: phaung mae na: jo; ako". Ngadqere: yao: bam wa jeim qekhyo" mau" deim" zag: zaui: nhao: ru qhug' ako".