10
Ahasuru We' Modekhai Qi" Qhang" Ru
1 Kho:kham Ahasuru wa yao" mung"dan: mae" panglai: qid yae cao" yang: we' khosin" mung"dan: akhug khyo na ko" ra" mung" byu qe: dao mae mau" jam: deim" zag: zaui: nhao: ra" amyin" khyo" ra".
2 Yao: kad' ra" qi" qhang: ra" mug' pho: mau" zo" jham we' Modekhai re aya: myhao: ra" zug: mau" mae san: to" ra" khyo re- Persia we' Media kho:kham qenho: tung" xam: paug' jham mae tung" to: ko" ra".
3 Yuda byu Modekhai wa kho:kham Ahasuru mae" lai yang: o mae" dazhao" za: nyham: ra" jo, qo mae ngad: ra". Yao" nho: Yuda byumyu" yao: cao" yang yao: re nga: yhe' byid: mung: ceim" ngaui: ako". Yao: wa yao" byumyu" qe: qhid' mae" gai: ra" mau" zaui: mung:- yao: bam: myid:zo: qe alhab' qhid' mae" gug: gam khyo kad' byid' ra".