15
sabyi Naui: Dao: Tau"
1 Asang wa ngo re jhau: ra"-
2 Shid ba: ra" yaug we"- sabyi naui we' sag' gae wa khoru: dau qo" tau" nae" i? Seyo mae" sag' gae jham we' dau tau" re sabyi naui mae" akaung dakaung wa pe" akyu" bo: ra" i?
3 Nao wa ai re daja: ja: kad' nae" qhid' mae" gai: ci: i? Nao wa ai re zai lhao: nae" kyo' khalhao" qo" kad' i?
4 Ai wa myi: mad nae" qhid' mae" za: agai: ra". Aimung: athao jham nga" jeim" byaug mung: agaung: mae myi:gyoe: boe" lo" re- nao wa airu yang daja: ja: qo" kad' boe" nae" i?
5 Airu wa- manga" byaug shi: mae" lao" re: pe" akyu" mabo ngad: ra". Ana" ai re myi: nga" pye' mung: myi: gyoe: boe" byaug va" rumung:- ai wa je yang lao" re: akyu" mabo lo: ngad: ra".
6 Ana" ceru wa kho:kham Asang ta" na: ru ngad: ra". sabyi naui danaui re seyo mae" yu: yu mung: ngha" pye' ru we' dakhyo:- ngo wa Yerusalem mae na: ra" byu qere jhui" yu mung: yao: bam re qobo dae byid: nae"-
7 Yao: bam re qobo dae byid: nae"- yao: bam wa myi:khyeim" dalam: mae" phao: loe; lo: avako". Ngadqere: ana" ai: myi: wa yao: bam re nga" pye' li" nae". Naonhaung" re ngo qobo dae byid' ra" au: ngo Asang ngad: ru naonhaung" ba: li" genae".
8 Yao: bam wa nga" dao mae jhaug' mazaug gengad: ako". Aimung:- ngo wa ai: mung"dan: re din"pyad' yo kad' pye' byid: nae"- ga: ta" ra". Kho:kham Asang ta" to" ava".