16
1 Aseing gi Samuela ri �Sholu shid re" nang khamyhang ju" sho' nang nheig kug nyid shi" wa la". Nyang: ri ngoo Israela khokham aya: mo khyo' pyam bye: zi nghoid. Nghoid loug we' zhainloin: xu: dajhi' ri ci: wigi Yese ga: su: nyid da" Bedlehem voogung khyoo: yhe: yu" we' ciwim gari nya: yuggi zoo: yi mo dayug ri khokham koid wa shid re" ngoo khyen: too" bye: zi nghoid� ga: tid bye:.
2 Samuela gi �Hau: moo" zoo" ri ngoo khasu" koid wa la". Hau: khyoo: joem Sholu shoug" gyoo: lang" nyang: ngoo ri said pyam wa zi nghoid� ga: myid: bye:.
Aseing gi �Nang yo' dage" nu: zoo: dadu: she: yhe: wigi hau: Aseing ri nang xoin" ngei" wa shid re" yhe: zi nghoid� ein: tid we'.
3 �Xoin" to' wa shid re" Yese ri we' shu" we' nang khasu" koid wa ziri ngoo tid kyoo" wa zi nghoid. Ngoo nang ri tid yug ri khokham aya tang: byid: wa shid re" mainkaid xu: foid shoin" byid: ca" wa zi nghoid� ga: tid kyo".
4 Samuela we' Aseing nyang: ri tid ziyo' dakhyoo" ti" koid wigi Bedlehem voogung khyoo: yhe: loo" bye:. Hau: joyoo moo voogung vhujhung: yigi gyoug dain ziyo' nyang: ri yhe: shoug" lho: myo, gyeing: su: we" he: zigi yug yoo tung" lam" lo da" gyung: khyoo: anghoid la"� ga: lhoem: myid: boem ago".
5 Nyang: gi �Nghoid- ngoo gi Aseing ri xoin" ngei" byid: wa shid re" re" zi nghoid. Re" gung kyeing sain' pyam lho: nga" jang" moo cang we'� ga: doem phug tid. Nyang: gi Yese yo' nya: zoo: yuggi zoo: yiri we' nyang: tu: nya: gung kyeing sain' nhang: wigi xoin" ngei" jhang: khyoo: ri" wa shid re" khe: yu bye:.
6 Akhid" nyangnu" ju" lang" Samuela gi Yese da" nya: zoo: Eliaba ri myang kaid wigi �Aseing da" shidkhoin" moo yab jo, da" he: yug gi nyang: khyen: to" da" yug gyeing" nghoid wa bye:� ga: nyang: nyang: ung: khoug: moo tid zo: nyid.
7 Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid� ga: tid bye:.
8 Hau: thang: Yese gi nya: zoo: Abinadab ri khe: yu wigi Samuela jhang khyoo: shu" yhe: loo" bye:. Nghoid loug we' Samuela gi �Anghoid-Aseing gi nyang: ri akhyen: yu nghoid da� ga: tid bye:.
9 Hau: thang: Yese gi Shamma ri doem shu" re" ri we' Samuela gi �He: yug we' anghoid- Aseing nyang: ri akhyen: yu nghoid da� ga: tid.
10 Hougsu" khyo" wigi Yese gi nya: zoo: nyhed yug ein: da" yug ri Samuela jhang doem shu" yhi: bye:. Samuela gi �Nyang: ri we' anghoid. Aseing gi he: bang: dayug ri we' akhyen: yu nghoid da� ga: tid.
11 Hau: thang: Samuela gi nyang: ri �Nang moo gootu: yuggi zoo: yi nyid shi" la"� ga: myid: bye:.
Yese gi �Nge thang yug gi nyid shi" nghoid loug we' nyang: gi pa: dam cang yang dazung" yen"� ga: tid kyoo" bye:. Samuela gi �nyang: ri hid khyoo: loo wa shid re" yhe: tid ge'. Nyang: hid moo aju" cang cang gi ngoonu" xoin" yo" to' byid: wa zi anghoid� ga: tid.
12 Hougsu" nghoid yoomo Yese nyang: ri yhe: khe: nhang: bye:. Nyang: gi gungdu: yung" ziyo' yang" zain: da" yuggi zoo: nghoid wigi myojid" we' yu" yung" tung" nghoid da:. Aseing gi Samuela ri �He: yug nghoid bye:- nyang: ri mainkaid xu: foid shoin" byid: we'� ga: tid.
13 Samuela gi zhainloin: xu: ri yu wigi nya: mang: bang: shidkhoin" moo David ri mainkaid xu: foid shoin" byid: bye:. Dalheing dam Aseing da" Venyi: gi David ri vhoeb khang" wigi hau: nyid" mo nyang: yo' dage" nghoid nyid. Hau: thang: ri Samuela gi Rama khyoo: doem loo" khari" bye:.
14 Aseing da" Venyi: Sholu jang" mo thu' loo" bye: yoomo hau: Aseing nhang: kaid da" akhyeing" da" yu Venyi: nyang: ri amyen akhyoid bui" nhang: nyid.
15 Nya: dei zoo: yigi nyang: ri �Mangsoo nhang: kaid da" hau: akhyeing" da" yu Venyi: nang ri amyen akhyoid koid nyid zi ngoonu" se'.
16 Hougsu" nghoid yoomo Aseing we"- teing goolhoo' se' baid da" byu dayug shoo: wa akhang" ngoonu" ri byid: we'. Hau: akhyeing" da" yu Venyi: re" jhang ju" uri hau: yug da" teing baid myheing yoomo nang doem byain: loo wa zi nghoid� ga: tid boem.
17 Sholu gi nyangnu" ri �Nghoid bye:- gye" pyoo: sho' se' baid da" byu dayug nga" shid re" sho: wigi nga" jhang khyoo: shu" loo ge'� ga: amyeing" byid: too" bye:.
18 Nya: byu phung: mo dei zoo: dayug gi Bedlehem voogung moo nyid da" Yese jang" moo music gye" se' da" zooshang: dayug nyid. Nyang: gi seing" yang" ziyo' avoid asam" yung" su: nghoid. Gyi moo loem ge" da" gyizoo: we' nghoid wigi dang: tid bui" su: dayug we' nghoid nyid. Aseing we' nyang: yo' dage" nghoid nyid da� ga: tid kyo" da:.
19 Hougsu" yoomo Sholu gi Yese jhang khyoo: lagyoo: yi nhang: kaid wigi �Yang zung" da" re" zoo: David ri nga" jhang khyoo: nhang: kaid we'� ga: tid nhang: kaid bye:.
20 Yese we' loo zei: doo: moo zooyho' tho'- zabyid byeung" sho' bo da" shooyid thung: daloem:- coidbaid nu" dadu: yo' dage" David ri Sholu jhang khyoo: nhang: kaid bye:.
21 David we' Sholu jhang ju" wigi nya: shidkhoin" moo vang yab jo, bye:. Sholu we' nyang: ri gye" yu" vho: ziyo' nya: gyizi gyikhoo: ci: byid: wa da" byu dayug khyo" khyen: yu bye: zi nghoid.
22 Hau: thang: Sholu gi Yese jhang khyoo: lu dang: byid: kaid zigi �David ri ngoo vhoo: bye: yoomo nga" moo" zoo" zei: wa shid re" hidmoo nyid nyid baja"� ga: kyo" wigi nhang: kaid bye:.
23 Hau: ayo, mo Mangsoo nhang: kaid da" akhyeing" da" yu Venyi: Sholu jhang ju" khang" moo" David nya: teing baid myheing bye: zi nghoid. Hougsu" yoomo akhyeing" yu Venyi: thu' lo" byug wigi Sholu byain: loo" loo" bue" nyid da:.