1 Hougsu" nghoid yoomo ngoonu" Abraham: da" khyoo: ri myid yu" boem shang- nyang: thoung" shau" lo khyoo: gi hid vhoo: moo lhid" to". 2 Nyang: gi nyang: koid- ge da" leig yu jang: yoomo Mangsoo: da shidkhoin" moo deingbyeing" khyoo: dayo" yu nghoid rigi- nyang: moo myonhoo: sho: lho: phau: khuang cang bo. Nghoid loug we' nyang: gi Mangsoo: shid khyoo: gi hougsu" myonhoo: sho: phau: khuang khyoo: akoid'. 3 Jhoem: mungdang: moo Abraham: gi Mangsoo: ri loem" jeing" yoomo Mangsoo: gi nyang: ri deingbyeing" su: ga: soin: byid bye: ga: tid to". 4 Byu dayug yug gi moo" daja: ri zei: lho:- vhookung: phoug" ngei ri yo" yu lang" hau: da" ngei gi subi" jeju" koid da" ngei anghoid loo za: nyang: kham: zoo eung: yoomo yo" yu ngei nghoid. 5 Nghoid loug we' xangsu: byu yi gi nyang: nyang cang da" ge khyoo: ri aloem loo za: Mangsoo: ri za: loem" jeing" nghoid rigi Mangsoo gi nya: da" loem" jeing" khyoo: ri yu" lho: wigi nyang: ri yooboo ayo" ga: dang: phyed soin: teing to' wa he: khyo" wigi Mangsoo: gi xangsu" byu ri lhoem: kham: yu nyid. 6 Ge da" nheigloem: mo anghoid looza: Mangsoo: gi deingbyeing" mo agyeing" khyo" soin: byid: khyoo: ri yo" kham: yu su gi ngi: lhoo' bye: ga tid kyo" jang" moo David Khokham" gi

7 Tarha" shoid da" jangmo Mangsoo: lhoid' pyoin' zi yo' nya: yooboo mo yo" loid, byoin loo" su: gi ngi: lho'.

8 Nya: yooboo ri Aseing wigi alhid" xoem" too" su: gi ngi: lho' ga wigi tid to".

9 David khokham toin" shid to" da" ngi: lho' khyoo: gi shooyid thang: yham" mo, za: yo" la". Anghoid'. shooyid thang: ayham" mo, we' yo" yu boem. Ngoonu" tid kyo" da jhoem: dang: yo" dakhyoo" ti" Abraham: gi Mangsoo: ri loem" jeing" yoomo Mangsoo: gi nyang: ri deingbyeing" su: ga: soin: byid: bye:. 10 Hid: yhang: ti" Mangsoo: gi Abraham: ri deingbyeing" su: nghoid ga: soin: byid uri Abraham: gi shooyid thang: yham" bye la". Ayham" shi" la". Bain kham: thang: ri anghoid akham: shi" u" ri nghoid bye:. 11 Nyang: ri Mangsoo: houg: su" soin: byid: thang: ri Abraham: gi shooyid thang: yham" da: khyoo: ri kham bye:. Hau: shooyid thang: yham" da moo" gi Mangsoo: Abraham: da" loem" jeing" khyoo: ri yu" lho: shooyid thang: ayham" shi" mo deingbyeing" da byu ga: soin: byid: shau" da" thang" cab' nghoid. Hougsu" nghoid yoomo Abraham: gi athang: yham" da" moo" akham: yu nghoid loug we' Mangsoo: ri loem" jeing" shoid khyo" deingbyeing" su: nyang: nghoid bye:. Deingbyeing" mo ga: Mangsoo: soin: byid: shau" byu dangain" mo da" Venyi: phoo' jhung: bui" loo bye:. 12 Nyang: gi shooyid' thang: yham" mo da" nya: phoo' we' nghoid. Dakhyo" ein: rigi nyang: gi shooyid thang: yham" zi kham: yu su: za: anghoid ngoonu" phoo' Abraham: shooyid thang: ayham" shi" mo Mangsoo: ri loem" jeing" lho:- kangso dei so" yen" su: nghoid.

13 Mangsoo: gi Abraham: yo' nya: zoo: yi ri mougmyid ri shau" seing: wa ga: dang: soo" byid: to"- hau: dangsoo" gi Abraham: Moshe tarha" ri cang nyid yoomo anghoid. Ciwim gari Mangsoo: ri loem" jeing" yoomo nyang: ri deingbyeing" su: nghoid ga: Mangsoo: soin: yu yoomo nghoid. 14 Gyeing" nyang: Moshe tarha" ri yo" cang mo za:- dang: thang" cab ri shau" kham: zoo: wa ein: rigi- Mangsoo: ri loem" jeing" khyoo: gi akoem: za: te: nghoid lho: Mangso dang: soo" khoin" gi akoem: we' ce akyu" aboo loo. 15 Moshe da tarha" gi Mangso da" nheig yoo: yoo" bue" nhang: nghoid loug we' tarha" ajo rigi tarha" shoid ga: zi we' ajo.

16 Hougsu" nghoid yoomo Abraham: da nyamyid: nyazoo: yi dangain" mo gi- Mangso da" dang: soo" khoin" aphoug" asang: loo: kham: zo: da" akhang" jo da" khyoo: sagsi yo" kham:- loem" jeing" da" tho' moo ayang: qei" lho: dang: soo" khoin" too" byid bye:. Hau: dang: soo" khoin" gi Moshe da" tarha" ri cang mo shid re" za nghoid. Abraham: yhang: ti" Mangsoo: ri loem" jeing" mo shid re" we' nghoid. Khasu" wim ga: ri Abraham: gi ngoonu" dangain" mo da" Venyi: phoo' jhung: nghoid. 17 Ngoo gi nang ri byumyu" myoo" sho' mo da" nya: phoo' bui" nhang: bye: ga: jhoem: mungdang: moo tid to" ziyo' dakhyoo" ti" nghoid. Hougsu" Mangsoo: dang: soo" khoin" too" yoomo hauda" dang: soo" khoin" gi deing nyid. Mangsoo: gi Abraham loem" jeing" da" Mangsoo: shid mo doem dei loo nhang: da" Mangsoo yo' xangshid" ri ci: ajo, jang" moo jo, loo nhang: wa shid re" amyeung" byid da" Mangsoo: nghoid. 18 Abraham gi nheig tei" jang: ci: ajo, lo jang" molang" loem" jeing" nheig byu nyid yoomo nyang: gi byumyu" myoo" sho' mo da" phoo' jhung: bue" lo. Jhoem: mungdang: moo nya: da" byumyu" akung: ako' yi gi mougkhung: kyi: myhoo' myoo: wa ga: zi yo" dakhyoo" ti" bue" loo bye:. 19 Hau: ayo moo Abraham: gi apyaid dashoo: zain koo: bo lho: nya: da" gungdu: gi shid: loo: yid danghoid' lo:. Sara we' zoo: age boo lo: khyoo: ri si' nghoid loug nya: da" loem" jeing" khyoo: gi geing: geing: teing teing dabo jo. 20 Nyang: gi khanham' we' Mangso da" Dang: thang" cab ri loem jeing" shoid aloem" jeing" da" myid aboo. Mangsoo: ri loem" jeing" khyoo: khanham' we' ashe: pyam. Mangsoo: ri loem" jeing" nyid yoomo yoem so' byeung" lo. Houg: yoomo nyang: gi Mangsoo: ri cung" nghei" byid: nyid. 21 Mangsoo: gi nyang: tid to" da" dang: soo" khoin" ri yo" bue" loo nhang: wa" ga nyang bain" bain loem" ci. 22 Hougsu" loem" jeing" ci: yoomo Mangsoo: gi Abraham: ri deingbyeing" su: amain" khyo" kham: yu bye:. 23 Mangsoo: gi nyang: ri deingbyeing" su: amain" khyo" kham: yu bye: ga: da" dang: gi Abraham: dayug kyeing" ri za: yeing lho: lhid" to" zi nghoid. 24 ngoonu" ri we' yeing lho: lhid" to" zi nghoid. Khasu" wim ga: ri ngoonu" da Aseing" Yesu Khristu ri shid: jangmo doem dei to'' loo nhang: da" Mangsoo: ri ngoonu" nyang: ri loem" jeing" yoomo ngoonu" ri we' deingbyeing" mo, amain" khyo" Mangsoo: gi lhid" xoem" too" bye:. 25 Mangsoo: gi nyang ri ngoonu" da yooboo shid re" shid: kham: nhang: bye:. Hau: thang: ngoonu" ri deing byeung" mo amain" khyo" nyang: yo kham: yu baja" ga: nyang: ri shid: jangmo doem dei to'' loo nhang: bye:.