COUNG" NGHEI 82
1 Mangsoo gi mougkhung: tho' mo
phung: kongsi ri shu" vhu" nyid wigi
Mangso yi da" zoebphung: moo
nyang: dang: phyed khyoo: ri tid kyo" nyid.
2 Atarha" khyo" dang: phyed da" khyoo: ri
nanu" no: too" ca" goo" wa akhyeung" bang: ri
nanu" myonhoo: tu: da" khyoo: ri nanu" dajhi' we' yo" koid goo' wa zi anghoid.
3 Sho" jhen: bang: yo' coug" zoo: nu" yi da" akho, akhang" ri lhoug zung" byid: we'.
Ca" yo nyid bang: yo' pang" thoug wa byu anyid bang: ri
nyeung veung" khyo" dang: phyed byid: we'.
4 Akhyeung" bang: da" yoem so, mo
Nyangnu" ri khyoid yu we'.
5 Nanu" gi khayhi' gyeing" ase' goonhung: lha".
Nanu" gi bain sho' akyang byo, yoin" boem abye:-
deungmain" da" nyeung veung" tarha" ga: zigi
he: mougmyid mo byoug byug bye:.
6 Nanu" gi Mangso bi" nghoid ago".
Nanu" dangain" bang: gi myhang: thang su: da-
nya: zoo: yi nghoid nyid ago"- ein: wigi ngoo tid bye:.
7 Nghoid loug we' byu yi yhang: ti" nanu" shid: loo" shigoo" wa.
Khokham da" nya: zoo: yi yhang: ti" nanu" da" kangso' thang lo" byug shi" wa.
8 Mangsoo we"- ri" we'. Mougmyid ri vhoebkhang" nyid we'
byumyu" yi bain sho' bang: gi re" byu za: danghoid nyid boem.