COUNG" NGHEI 70
(Cng 40:13-17)
1 Mangsoo we"- ngoo ri khyoid khyi: yu we' Aseing we"
ngoo ri akhid" nyang: pang" thoug yu byid: la.
2 Ngoo ri: said soin' bang: dangain" soem" lo" wigi
vhu" nhung nhoung lo" zi shoug" goo" baja".
Nga" yau: khi" kyi" khyeug khyoo: yoomo gau yi nyid bang: gi
nungthang khyoo: zoid phang: lo" wigi
asho ashid: zi shoug" goo" baja".
3 Ngoo ri: juang" yi nyid bang: gi
nyangnu" soem" joem: lo" khyo"
myonhoo: shoem: loo" goo" baja".
4 Re" jang" moo: ju" ri" bang: dangain" mo, gi
vho: ngei ziyo' gau yi nyid goo" baja".
Re" da" khyoid yu khyoo: ri dangain" mo
jeju" boin: so" nyid goo" baja".
5 Mangsoo we"- ngoo gi yoem nu: lho: asho" ajhen: su: nghoid nyid.
Aseing we" nga" jhang myab, myab, ri" we'
nang gi nga" da" khyoid yu su: nghoid nyid-
ngoo ri to" myhed pyam wa zi anghoid.
Nang gi nga" khyoid yu su: yo' Aseing nghoid nyid.
Ngoo ri: myab, myab, pang" thoug yu byid: we o".