COUNG" NGHEI 67
1 Mangsoo we"- ngoonu" ri nheug khyeug ziyo'
mainkaid byid: we'.
Ngoonu" ri re" da" nheig khyeug shoomyen: ziyo'
yu" coung: byid: we'.
2 Houg: lang" mougmyid gyab, goin" gi-
re" da" myid vho: khyoo: ri yo" se' lo boem baja".
Byumyu" yi bain sho' bang: we'
re" da" khyoid yu khyoo: ri se' lo boem baja".
3 Mangsoo we"- re" da" mung" byu yi nang ri
coung" nghei goo baja".
Meing: byu yi bain sho' nang ri coung" nghei nyid goo baja".
4 Byumyu" yiri nang deungmain" da" tarha" yo'
dang: phyed byid: wigi moug: gyab, mo byumyu" bain sho' mo, ri
khyoo: shed vhu" shu" she: nyid yoomo
mung" byu bain sho bang: gi gau, yi coung" nghei jikhoin" khoin" nyid goo" baja".
5 Mangsoo we"- mung" byu yi bain sho nang ri
coung" nghei nyid goo" baja".
6 Meing: byu yi bain sho nang ri coung" nghei goo baja".
Myidjang gi nya: amyoug: ashi" ri zei: byid: nyid bye:-
Mangsoo yha" Mangsoo gi ngoonu" ri mainkaid byid: bye:.
7 Mangsoo gi ngoonu" ri mainkaid byid: bye:-
joyoo khyi khang" moo" moo: nyid da-
mung" byu bain sho bang: gi nyang: ri phoug" tab ngi: byid: nyid goo" baja" o".