COUNG" NGHEI 64
1 Mangsoo we"- ngoo yau: khi" zi shoug" nyid bye:-
nga" akyu" mho' thui: ri tam" gyoo: byid: we'.
Nga" gyivoo joem ri ngoo gyoug nyid nga" kangso' ri khyoid yu we'.
2 Akhyeing" bang: da" myid soin' khyoo: yo'
ashoeb bang: da" mo, phung: mo
ngoo ri goem loem yu byid: we'.
3 Nyangnu" da" yhoo: joem ri sham: yhang: ti"
sei" tho' lho: akhyeing" da" dang: khoin" joem ri
myoo: ri yhang: ti" thoung: yeung to" boem.
4 Nyangnu" gi nyangnu" da" sho' ase' dang: khoin" joem ri myab, myab, tid fu" lo" boem ziyo'
nyangnu" gi byu gi yiri ade: voem" voem" za:
lu wim gei sang: juang" yi dang: ri tid nyid ago".
5 Nyangnu" gi akhyeung" da" moo" ri zei: wa ga:
soin' nyheung lo" da" khyoo: moo nyangnu" nyang: cang" yoem: byid: go" nyid boem.
Nyangnu" da" lhid joem ri kha: joyoo: thoung: ri
gi wa khyoo: nyangnu" tid go" nyid boem.
Hougsu" nyangnu" gi ?Hau: joem ri hang" we'
shau" myang wa zi anghoid? ga: tid nyid ago".
6 Nyangnu" gi akhyeing" ashoeb khyo" nyheung soin' lo" lho:
?Joeb byeung" da" suid" dab, khyoo: ri
ngoonu" soin too" bye:? ga: tid ago".
Byu da" nheigloem: yo' ung: khoug: joem gi
atho' oung: se' gyo: da" mau" pho" khyoo: nghoid.
7 Nghoid loug we' Mangsoo gi nya: myoo: yo'
nyangnu" ri beug kaid wigi
nyeigdain tung" dam, dab, boem abye:.
8 Nyangnu" tid da" dang: joem yoomo nyang: gi
nyangnu" ri mhoin' pyam wa zi nghoid.
Nyangnu" ri myang bang: dangain" gi
vhu" pyi: pyi: nyid boem wa zi nghoid.
9 Nyangnu" dangain" gi gyoug lo boem wa zi nghoid wigi
Mangsoo ce: noem zei: too" bye: ziri
Nyangnu" myid soin: yu" lo boem wa ziyo'
nya: da" moo" zo" khyoo: ri tid kyo" boem wa.
10 Mangsoo zei: shug bye: da" moo" zoo" joem yoomo
deungbyeung" da" byu yi dangain" bang: gi gau, yi ngei pyo: boem wa.
Nyangnu" gi nyang: moo goem loem gau: nyu: nyid boem wa nghoid wigi
ge lho, da" byumyu" dangain" bang: gi nyang: ri coung" byid: boem wa zi nghoid.