COUNG" NGHEI 61
1 Mangsoo we"- nga" ngoug thui: ri gyoo: byid: we'
nga" da" akyu" mho' dang: ri: tam" gyoo: byid: we'.
2 Yhoem: yo' ve: gang: jo, wigi nheigloem: thang nyid uri ngoo nang ri yoid nyid.
Ngoo ri: gau: nyu: phang: khoug: jang: khyoo: shu" loo" we'.
3 Khasu" wim gari nang gi ngoo ri lhoug zung" su: yo' gyivoo joem ri lhoem: yo" thougtheung su:-
nga" da" geung: teung theung shang" joyoo nghoid nyid.
4 Nga" da" pyaid goin" re" da" gyeung" shang: joyoo mo ngoo ri nyid nhang: we'.
Re" da" dung soo" khoug: moo ngoo ri gau: nyu: nhang: we'.
5 Mangsoo we"- nang gi nga" da" dang: theing khoin" joem ri shoug" gyoo: bye:.
Nang ri phoug" tab ngi shab mo, ri byid: da" agyid asoo: joem nang gi: ngoo ri byid: abye:.
6 Khokham pho, da" apyaid ri zain nyid myoo" sho' lung: byid: shi" we'.
Nyang: ri xo' loo: xo' kangso' dei nyid nhang: we'.
7 Mangsoo we"- re" da" shidkhoin" moo nyang: gi apyaid atoo: davhoeb khang" nyid baja".
Re" da" geung: teung jhed khyeing: kang: khyeing: yo'
nheigloem: zoung" khyoo: khyo" wigi nyang: ri goem loem byid nyid baja".
8 Houg: yoomo ngoo dang: theing byid: to" ziyo' dakhyoo" ti"
nang ri nyid khang" moo" xoin" ngei" byid: nyid wigi
nang ri khanham we' jikhoin" yo' coung" nghei byid: nyid wa nghoid.