COUNG" NGHEI 24
1 Aseing gi yang zung" su: ti" ngoo ri lhoug zung" nyid.
Houg: yoomo ngoo ca" nyid da" zi dangain" ngoo yo.
2 Nyang: gi mougmyid yoosoo" ri myid jang: gyid no, da" joyoo moo
ayang: zhoug to" lho: no, thang nammugdara da" athi" moo:
apoem: qei" wigi zhoug to" zi nghoid.
3 Aseing da" boem tho' khyoo: kha: yug do' loo" moin: yi" wa lha".
Nya: da" gyeung" shang: Noku Yhoem: Moo" khyoo: kha: yug yo" vang loo" wa lha".
4 Asam" aved ge lho: nheigloem: phyu: wigi soolhoo: joem ri ano" ziyo'
ajo da" dangsoo" abyid: su: yo" loo" wa zi nghoid.
5 Aseing gi nyangnu" ri mainkaid byid: lho: khyoid yu wa zi nghoid.
Houg: bang: gi yooboo adab, bang: nghoid ziri Mangsoo gi tid fu" byid: wa zi nghoid.
6 Houg: yhang: te" mo, koem gi Mangso jhang khyoo: tain" tab yhi: mo
Yaku da" Mang" so shidkhoin" khyoo: re" loo mo, nghoid.
7 Voogung khoem" moo" duang: ri lam: sho' phang kaid we'.
Goonham mo khoem" duang: xoug" joem ri: lam: sho' phang kaid we'.
Houg: lang" gyi: thang da" khokham zeing vang loo wa zi nghoid.
8 Mau" pho" gyi: thang da" khokham zeing gi hang" su: nghoid lha".
Nyang: gi gyi: thang yoem: moo" bo da" Aseing yo' gyipui" moo: oung: doid lo" da" Aseing-
9 Voogung khoem" moo" duang: ri lam: sho' phang kaid we'.
Goonham mo khoem" duang xoug" joem ri lam: sho phang kaid we'.
Houg: lang" gyi: thang da" khokham zeing vang loo wa zi nghoid.
10 Hau: gyi: thang da" khokham zeing gi hang" su: nghoid lha".
Oung: doid lo" da" Aseing nyang: gi gyi: thang da" khokham zeing nghoid nyid.