COUNG" NGHEI 23
1 Aseing gi yang zung" su: ti" ngoo ri lhoug zung" nyid.
Houg: yoomo ngoo ca" nyid da" zi dangain" ngoo yo.
2 Nyang: gi ngoo ri nyau, young da" mhain" nu" jang: moo no: nyid nhang: lho:
myenjham" da" gyid yam, khyoo: shu" yhe: lo.
3 Nyang: gi ngoo ri yoem: seig lung: byid: nyid
nyang: gi ngoo ri dang: theing khoin" to" ziyo' dakhyoo" ti"
deingmain" khyoo: moo: shu" yhe: lo.
4 Ngoo gi teing: yo' no, da" moug: coid khoug: khyo" so" lid: loo"
nghoid loug we' ngoo yo' dage" nyid yoomo ngoo ci: agyug ca" loo.
Aseing da" yang zung" lhamdung: yo' lham: toid gi
ngoo ri goem coung: lhoug zung" nyid.
5 Gyivoo joem dangain" mo, yo" myang da" joyoo moo-
nang gi nga" shid re" zo: shug jang: nyeung to".
Nang gi ngoo ri myonhoo: bo da" being" voo ri yhang: ti" pang" thoug yu lho:
nga" shug goem moo: byeung shoin: sho' kaid byid nyid.
6 Re" da" ge khyoo: yo' jheddab khyoo: gi
dapyaid goin" ngoo yo' dage' jo, nyid ziri ngoo se'.
Aseing da" yhoem: moo pyaid moo: too: moo: ngoo danyid nyid wa zi nghoid.