COUNG" NGHEI 123
1 Aseing we"- nang vhoebkhang" nyid joyoo-
mougkhung: mougdi khyoo: ngoo nghang yu" kaid ri
2 Deizoo: phoo gi nya: yhoem: seing: moo: nghe: khau: lho: deizoo: myhi' gi
nya: yhoem: seing: myhi' moo: nghe: khau: nyid ziyo' dakhyoo" ti
ngoonu" da" atho' moo: nheig khyeug shoo" myen: da" ayo, ju" sho' ngoonu" gi
Aseing ngoonu" da" Mangsoo ri dayu" lang" nyid boem wa zi nghoid.
3 Aseing we"- ngoonu" ri nheig khyeug yu shi" we' o".
Ngoonu" ri nheig khyeug yu shi" we' o".
Ngoonu" gi aphoug" akhyoid ziyo' asho' ashid: zi gye" shau' nyid boem bye:.
4 Ngoonu" gi yoo" mo, di mo, wigi juang" yi ziyo'
phau: khuang mo, da" doin: zeig mo, wigi
aphoug" akhyoid koid zi thoung" shoug" nyid boem bye:.