COUNG" NGHEI 122
1 Nyangnu" gi ?Aseing yhoem: khyoo: yhe: lo" boem shang? ga: wigi
nyangnu" ri tid uri ngoo gi gau yi bye:.
2 Akhid" ngoonu" gi he: da" Yerusalem vang" khyam:
khoem" duang: joem khoug: moo: yab jo, boem.
3 Yerusalem voomoo" gi asoo: bo lho:
young" du, tung" zhoug to" da" voomoo" nghoid.
4 He: voomoo" gi nya: da" amyeing" dang: jo, ziyo' dakhyoo" ti"
Aseing ri jeju" coung" byid: wa shid re"
Israela byukung: byuko' joem zeung: foem: da" joyoo nghoid.
5 He: voomoo" gi Israela khokham yi nyang: da" byumyu" yiri
tarha" dang: phyed wa shid re" khoo" zhoung: da" joyoo nghoid.
6 Yerusalem da" myenjham" khyo: shid re" akyu" mho' we'.
Nang ri jheddab mo, nyid gi nyid di goo" baja".
7 Hau: joyoo mo re" vang khyam: joem da" akhoug: moo
ngei pyoo: myenjham" jo: wigi
re" da" khokham khoo" joem moo gau: nyu: jo, baja" ein: mho' nyid we'.
8 Nga" bidnoem yi yo' byencang" yi gang mo ngoo Yerusalem ri -
ngei pyo: myenjham" khyoo: gi nang yo' dage" jo, baja o" ein: wigi tid bye:.
9 Aseing yha" Mangso yhoem: gang mo re" da" nyid di nyid gi wa shid re"
ngoo akyu" mho' nyid.