2
1 Nanu" gi Khristu yo' dage" kangso dei nyid boem yoomo yoemso byeung" lo boem ziyo' nya: jheddab nheigloem: gi nanu" ri nheig teing ung: teing byid: ziri shau" yu boem bye:- hau: tho' moo Venyi: moo zoem" khau: zi shau" ziyo' nyang: cang" nyang: athang agoin khyoo: ri shau" kham: yu nyid boem.
2 Hougsu" nghoid yoomo nanu" gi myid soin: khyoo dakhaid za: nheigloem: sham: shoin" go" khyoo: dakhaid za: yo' nheigloem: daloem: za: khyo" wigi ngoo ri joeb byeung" da" gau yi khyoo: yo" yu nhang: goo" la' ein: ngoo nanu" ri yoem: byid: dang: sang: kaid.
3 Phau: khuang nghoidboin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein: khanham we' myid yu zoore sube" vhoo: moo khyo' nyhoem: zoem" khau: nyid ge.
4 Yug khang" moo" nyang: nya: akyu" ri kyeing" sho: khyo" anghoid loo: za: byu gooji yi da" akyu" ri sho: nyid ge.
5 Khristu Yesu moo bo da" nheigloem: nyang:- nanu" moo we' boo ge.
6 Nyang: gi khanham we' Mangso gung yo' joeb byeung" sho' nyid nyid zi nghoid loug we'
Mangsoo yo' dakhyoo" ti" nghoid nyid wa shid re" mi, shi go" khyo" amyid loo: za.
7 Hougsu" koid wa gungkhoo:- nyang: nya: kang: lung' bu, ziyo' dakhyoo" ti"
Nyang: nya: yoo" moo yoo" ri tu: mhoug pyam kho' lho:
join avoid asam" ri re" zhoung" yu wigi xangsu: byu yo' du sho' bue" thu' loo bye:.
8 Hougsu" nya: gung ri khyo' nyhoem: pyam wigi tam" gyo: da" khyoo: moo shid: jang" moo ju" sho' cang so" loo" bye:-
gyeing" nyang: pyang" zeing moo shid: jang" moo ju" sho' tam" gyo: nyid.
9 Houg: khyo" nghoid yoomo Mangsoo gi nyang: ri myhang: thang joyoo moo ju" sho' tu: to' kaid wigi
myeing khyang" dangain" tho' moo je, gyi: da" voolang' myeing yung" khyang" ri byid: too" bye:.
10 Houg: yoomo mougkhung: mougdi tho' mo mougmyid gyab, yo'
vho: pyam: mo da" poidlug dangain" gi Yesu da" voolang' myeing yung" khyang" ri
tu: to' tu: coung" phau" myang vhu" pid pid zoore poid thug thoug nyid boem wa nghoid .
11 Phoo Mangso da" myonhoo: phung" yoeb shid re" Khristu gi Aseing nghoid nyid" ga: wigi
yhoo: dab moo dab gi tid fu" yhen: yu nyid boem wa nghoid.
12 Houg: su" nghoid yoomo ngoo jheddab nyid bang: we"- nanu" yo' ngoo dage" nyid da" ayo, moo nanu" khanham we' nga" dang: ri tam" gyo: nyid boem yhang: ti" akhid" nanu" yo' ngoo ve: gang: nyid da" ayo, moo we' nga" da" dang: ri tam" gyoo: wa zigi je" wigi yhau: gyen: zeing nyang: nghoid nyid houg: yoomo nanu" da" khyoid yu khyoo: joeb, byeung" loo sho' gyoug nain" ziyo' cang pyeung nyid ge.
13 Khasu" wim ga: ri Mangsoo gi nya: da" myid vho: khyoo: ri nanu" tam" gyo: cang loo" nau, da" myid yo' cang lo" nhang: da" yoem: vhoo" ri nanu" yo" yu goo" baja" ga: Mangsoo gi nanu" moo khanham we' moo" dazei: byid: nyid.
14 Nanu" koid ca" da" moozoo" ce" ja" khyoo: ri we' ngeug go" lho: nheig yoo: nheig jhug akoid nyid goo".
15 Houg: su" koid nyid lang" nanu" gi aved asam" byo, lho: yooboo yoo" bang: ga: goo" wa. He: mougmyid tho' moo ce" yooboo we' adab loo: za: nheigloem: gyeungshang: da" Mangso nya: zoo: yi yhang: ti" bue" loo: goo" wa zi nghoid. Hougsu" nanu" gi kangso dei da" mungdang: ri kho" kyo" nyid zoore mougkhung: goin" ziri thoin" pang byid: da" bidbang gungdu: yi yhang: ti" nyangnu" da" mo, phung: gung moo thoin" pang byid: nyid boem, ca" wa nghoid.
16 Nanu" hougsu" koid nyid boem nghoid rigi ngoo yoem: kaid lho: voin vu, khyoo: gi akoem: amyed anghoid loo: yoomo Khristu da" bidnyid moo nanu" yoomo ngoo gi gau yi phau: khuang joyoo nghoid.
17 Ngoo ri said pyam zi to shau" nghoid rigi nanu" da" loem" jeing" phoin: tho' moo nga" da" suid" ri xoin" to' gyid: ca" nghoid loug- ngoo gi gau yi nyid nanu" dangain" bang: yo' we' gau yi nyid.
18 Houg: yo' dakhyoo" ti" nanu" we' ngoo yo' dage gau yi nyid ca" boem.
19 Ngoo gi nanu" jhang mo ludang: shau" gyo: wigi yoem: yo" yu baja"- Mangso da" myed, vho: khyoo: nghoid rigi Timothi ri khamyhang amyang" ri nanu" jhang khyoo: yo" nhang: kaid abe ein: ngoo myid byu nyid.
20 Timothi nyang: kyeing" za: ngoo yhang: ti" nanu" da" ge khyo: shid re" bo ci' byid: su nghoid.
21 Byu gooji dangain" mo, gi- nyang: tu: nya: khyoo: ri za: seing" kho"- gung yau yau nyid boem ago"- Khristu Yesu yo' sen: da" khyoo: moo myid abo boem nghoid ago".
22 Nya: zoo: gi nya: phoo' ri bo pang" thoug yhang: ti" hau: gau yi ngei bu: da" lu dang:- Kho" kyo" fu" pyo: lo" da" khyoo: moo ngoo yo' dage" moozoo" ri bo voin vu, theung shang" nyid yoomo nyang: gi khayhi' phoug" dab su: nghoid ziri nanu" nyang: si' bye:.
23 Hougsu" wigi nga" khyoo: khasu" bue" loo wa ziri ngoo si' lang" hau: yug ri nanu" jhang khyoo:- nhang: kaid wa ein: ngoo myid byu to".
24 Hau: tho' moo gootu: khamyhang ade: myang" ri ngoo nya: gung nyang: we' nanu" jhang moo ju" ri" wa nghoid ein: hau: Aseing moo myid loem nyid.
25 Hau: lho: wigi nanu" da" mangnhung" phoo' nga" moo" zei: byen, cang" yo' dage" za: meing: zain: jang: mo, byen, cang" gyizoo: phoo'- ngoo ri bo pang" wa shid re" nanu" nhang: kaid byid: su- Epaphrodi ri nanu" jhang khyoo: nhang: nyang: doem nhang: kaid wa ein: wigi ngoo myid nyid.
26 Nyang: gi nanu" dangain" bang: yo' gye" shau" goo" nau nyid khasu" wim ga: ri nyang: yhe: no da" khyoo: ri nanu" shau" gyo: boem yoomo nghoid.
27 Gyeing" nyang:- nyang: gi alug, lug shid: sho' noo bye: nghoid loug- Mangsoo gi nyang: ri nheig khyeug nyid nyang: ri za: we' anghoid- ngoo ri kougshu: zi azeing' dapyam: yo' dapyam: ashoug" baja" ga: nheig khyeug yu byid: bye:.
28 Houg: yoomo nanu" gi nyang: ri doem shau" myang wigi shau" gau yi wa ziyo' nga" da" kougshu: khyoo: we' byug loo" baja'- nyang: ri nanu" jhang khyoo: nhang: kaid wa zi ngoo je" myid hain: nyid.
29 Houg: yoomo nanu" nyang: ri Khristain mangnhung" phoo' dayug khyo" wigi lhoem: tau, yu ge'. Houg: yhang: te" bang: ri phau" myang: byid: ge.
30 Khasu" wim gari nyang: gi nanu" ayo" byid: da" pang" thoug khyoo:- ngoo ri byid: wa shid re" kangso ri noung" pyam lho: Khristu da" moozoo" ri alug, lug shid: sho' voin vu, yoem: kaid lid lo abye:.