27
(Mar 15:1: Luk 23:1-2: Yoh 18:28-32)
1 Nabsoin: no' re- khainjung agyi yi yo' Yuda mung zoug: yi Yesu ri said pyam wa shid re" sham go" nyid.
2 Yesu ri tei" lho: Roma mung" zoug:- Pilaid jhang khyoo yhe: shu" ab pyam bye:.
(Lgy 1L18-19)
3 Hau: uri gi Yesu ri sube" lo, moo ab pyam da" Yuda gi Yesu ri said pyam wa da" dang: kho' zi si lang" shoid boin: lho: wigi ngei soem" xi: kyab ri khainjung agyi yi yo' phung: nheigboo yi jhang khyoo doem ci: yhe: lo".
4 ?Ngoo gi yooboo aboo su: ri ab byid: shoid bye:? ga: tid.
Nghoid loug we' houg: bang: gi ?Ngoonu" yo" ci: asen: loo. Houg: re" yoovoin za: danghoid' lo:? ga: tid boem.
5 Houg: lang" Yuda gi ngei Soem" xi: kyab ri Noku Yhoem: Moo" khoug: moo she: lhei" too" khare" lho: goo" khyi moo yhe: cu: shid pyam bye:.
6 Khainjung agyi yi gi ?hau: da" ngei ri koid: yu boem lho: he: da" ngei gi suid" phoug" ngei nghoid. Houg: yoomo ngei deig moo adoem ge kaid loo:? ga: tid ago".
7 Nyangnu" sham: go" lho: hau: ngei yo' oug" koid su: da" khyam: dalheing' ri qei yu lho: tung: boug yi da" loeb boug koid.
8 Houg: su" wigi hau: da" myidjang ri ?Akhid" nyid" ju" sho' suid" lhu" da" myidjang? ga: myheing to" boem.
9 Lapi: Yeremi gi ?joeb byeung" loo bye:. Nyangnu" gi hau: yug da" aphoug" khyo" ngei soem" xi: kyab, byid: wa zi Israela yi myidveung" too" bye:.
10 Aseing ngoo ri amyeung" byid: to" ziyo' dakhyoo" ti" oug" koid: su: da" khyam: yoo ri qei yu bye:? ga" tid.
(Mar 15:2-5, Luk 23:3-5, Yoh 18:33-38
11 Roma mung" zoug: Pilaid da" shidkhoin" moo Yesu yhe: yab jo, da" uri Pilaid zoug: moo" gi ?Nang gi Yuda yi khokham nghoid la"? ga: lhoem: myid.
Yesu gi ?Nang nyang: tid nyid da:? ga: phoug tu".
12 Nghoid loug we' khainjung agyi yi yo' Yuda zoug: yi yooboo foin: da" khyoo: ri Yesu gi dakhoin" we' aphoug tu".
13 Hau: da" uri Pilaid gi ?Nang ri yooboo khayhi' foin: da" khyoo: ri nang gi ashau" gyoo: rhe"? ga: myid.
14 Nghoid loug we' Yesu gi dang: dakhoin" we' aphoug tu". Houg: yoomo mung" phoo gi gye mau" nyid.
( Mar 15:6-15, 23:13-25: Yoh 18:39-19:1-16)
15 Roma mung" zoug: phoo' gi lhid: kaid da" pui: yo, khang" moo"- mungbyu yi zheung: mho' ziyo' dakhyoo" ti" thung: byu dayug yug ri lhung nhang: kaid yu.
16 Hau: da" uri Yesu Baraba ga: da" gye" akhyeing" myeing thu' nyid da" byu dayug thung: moo bo loung" jo.
17 Houg: su" mungbyu yi coem zheung: loo lang" Pilaid gi ?Nanu" shid re" hang' ri pyoin nhang: kaid wa la". Yesu Baraba la". Khristu ga: da" Yesu yug nghoid wa la"? ga: myid: nyid.
18 Houg: bang: gi anoug angei yoomo Yesu ri nya: lo, moo ab byid: ziri nyang: se' nyid.
19 Pilaid mung" zoug: gi ?Tarha" zhungtang moo zhoung jo, da" uri nya: yhoem: seing: myhi' gi byu dayug ri nhang: kaid lho: hau: yooboo adab su: yo" sen: lho: nang ci" we' abo koid. Ngoo ri amain damyen goin" yhoebmo, moo nyang: yoomo nga" shid re" gye" jam joug bye:? ga: pyeing: kaid.
20 Khainjung agyi yi yo' phung nheig boo yigi byu phung yi re: mhid" lho: wigi Baraba ri pyoin kaid lho: Yesu ri said pyam wa shid re" mho' yoid da.
21 Pilaid gi ?he: eig yug mo kha: yug ri pyoin kaid wa lha". Nanu" kha: yug ri vhoo: go"? ga: myid: nyid. Byu phung: yigi ?Baraba ri pyoin kaid we'? ga: nyho: yoid nyid ago".
22 Pilaid gi ?houg: su" nghoid lang" gi Meshia ga: da" Yesu ri ngoo cisu" koid wa lha"? ga: doem myid: houg: bang: dangain" mo, gi
?Nyang: ri jen" said pyam we"? ga: nyho: yoid tid nyid ago".
23 Pilaid gi ?Nyang: gi ce: yooboo ri shoid lha"? ga: doem myid: nghoid loug we'
houg: bang: gi ?Nyang: ri baid jen" said pyam we"? ga: kang: gyo" loo" sho' sho' yoid nho: nyid ago".
24 Hau uri Pilaid gi khasu' ase' xo' tid loo khasu" we' ase koid loo:. Mung" byu yi lu: fu: loo wa ziri za: myang yoomo gyid khu, yu lho: ?he: yug shid: lo" da" khyoo: gi nga" yooboo anghoid. Nanu" da" moo' za: danghoid' wa? ga: byu yi da" shidkhoin" moo nya: lo, cid".
25 Mung" byu dangain" mo, gi ?He: yug shid: lo' da" yooboo gi ngoonu" yo" ngoonu" da" myed: yam: zoo: xeig ju" sho' ngoonu" nyang: voin wa" ga: yhen yu ago".
26 Houg: thang: Pilaid gi Baraba ri nyangnu" shid re" pyoin kaid lho: Yesu ri gyoem thung" dam kaid wigi pyang" zeing moo baid jen" said pyam wa shid re" ab byid: kaid bye:.
(Mar 14:16-20: Yoh 19:2-3)
27 Pilaid da" gyizoo yi gi Yesu ri mung" zoug: nyid joyoo khyoo: khe: loo" wigi hau: gyidab goin" nya: nam, moo lheing khoem" to".
28 Gyizoo: yi gi Yesu da" byimi ri khyoid pyam byid: lho: byini sheing: ri doem foid ago".
29 Hau: lho: ri zu: yo' koid: to" da" zu: bidmug ri we vhuloem tho' moo zhung" byid: to" ago". Nya: lo, yo lo, moo jam pheing" da: khaid ri zei: ci: nhang: lho: nya: shidkhoin" moo poin" thug thoug wigi nyang: ri juang" yi zoore ?Yuda khokham phoo we"- nang kang: sheing: nyid baja" o"? ga: juang" yi nyid ago".
30 Nyangnu" gi Yesu ri shi" kain" byi" gyoin: boem ago". Jam pheing" yang: yu lho: vhuloem moo we' baid byid: ago".
31 Houg: su" bain juang" yi boem lang" gi byisheung: ri khyoid yu lho: nya: byimi doem foid wigi baid jen" said wa shid re" shu" thu' lo" boem.
(Mar 15:21-32: Luk 23:26-43 Yoh 19:17-27)
32 Nyangnu' thu' lo" da" uri Kureni mung" mo, Simun ga: da" su: yo" shau" go" wigi gyizoo: yi gi hau: yug ri agyoo: atho' khe: yu lho: wigi Yesu da" pyang" zeing ri bo vu nhang: ago".
33 ?Vhugyab boug? ga: da" Golagotha boug moo ju" yhi: lang" gi
34 Nyangnu" gi cid" khoo" yo" phoung" to" da" zabyid yhid: ri Yesu ri byid: jhoug ago". Hau: ziri dajhi' ca: yu" lho: nyang: anau shug.
35 Hau: thang: ri nyangnu" gi Aseing Yesu ri pyang" zeing tho' moo baid jen" too" bye:. Hau: thang: ri nya: byimi rigi me" lab lho: gam go" boem.
36 Houg: moo zhoung: jo zoore Yesu ri zung" nyid go".
37 Yesu da" vhuloem dang moo (He: yug gi Yuda khokham nghoid.) ga: da" lhid" cab ri baid tab to' boem.
38 Hau: da" ayo' moo khyangtoug: eig yug ri we' Yesu yo' dage nya: da" lo, yo shoid dayug lo, koung" shoid dayug- pyang" zeing moo bo baid jen" lhang" to" boem.
39 loo" loo" loo loo koid nyid da" mungbyu yi gi vhu" pyi: pyi: zoore yhoem: moo" ri phyo' pyam lho: Yesu nam moo nyho: juang"
40 ?Noku Yhoem: Moo" ri nang phyo' pyam lho: soem" nyid" agyoo: moo doem yo" tu shab too" su:. Nang Mangso da" nya: zoo: deung nghoid rigi nanya: gung nanyang: khyoid yu we' pyang" zeing tho' mo gyoo" lo yu" we.?
41 Houg: yo' dakhyoo" ti" Khainjung agyi yi yo" tarha" sara: yi Yuda vhujhung: yi we' nyang: ri.
42 ?He: yug ri subi" ri yo" khyoid yu. Nyang: nya: da" gung rigi ayo" khyoid yu nhung: lha"? ga: juang" yi nyid boem nyang: gi Israela byumyu" da" khokham anghoid la". Pyang" zeing mo akhid" nyang: yo" gyoo" lo nghoid rigi ngoonu" nyang: ri loem boem wa.
43 Nyang: gi Mangsoo ri loemkhau: lho: ngoo gi Mangso nya: zoo: nghoid ga: we' tid. Houg: yoomo Mangsoo gi nyang: ri jheddab nheigkhyeig nghoid rigi akhid" nyang: ri khyoid yu baja.?
44 Nyang: yo' dage" pyang" zeing moo jen" lhang" to" da" khyangtoug: yi we' houg: yo' dakhyoo" ti" nyang: ri bo juang" yi nyid boem.
(Mar 15:33-41: Luk 23:44-49: Yoh 28-30)
45 Nyid" gung tu: jangmo soem" nayi: ju" sho' damung" goin" mougcoid teing: no, jo.
46 Soem" nayi koo: moo gi Yesu gi thui: zeing yo" ( Elo-i Elo-i Lemasabag Thani) ga: nyho: ngau, yoid. Hau: da" dangkang: gi nga" phoo Mangsoo we"- nga" phoo Mangsoo we" ci: wim ngoo ri- she: pyam to" lha"? ga: tid zi nghoid.
47 Hau: da" anam moo yab jo, mungbyu da yham" bang: shau" gyoo: lang" houg" nyang: gi ?Elia ri yoid nyid bye:? ga: tid boem.
48 Hau: lang" nyangnu" jang" mo dayug gi myab myab gei yhe" lho: bung: gyed soid yu ci: wigi: gu nham da" zabyid yhid: moo joem lho: jam pheing" yang: vhu: moo tab lho: nyang: ri jhug wa shid re" lu: nyid.
49 Nghoid loug dayham bang: gi ?lang" yu" nyid shang Elia gi nyang: ri re" yo" khyoid yu la"? ga: tid boem ago".
50 Yesu gi thui: zeing yo" doem nyho: ngau lho: nya: kang:- gyo" loo" khari" bye:.
51 Hau: da" uri akyu" mho' yhoem: moo" khoug: mo pain" xiyam gi aphyoo" mo apoem: ju" sho' eig gang gyam: dang: gyo" loo" khare". Myid leig we' leig lho: lung: moo" boem joem we' gyam: lo".
52 Loeb duang: we' bang" lo" boem wigi bain shid bye da:- Mangso byu yi myoo" sho' we' doem dei to' lo boem.
53 Yesu shid: jangmo doem dei to' lo thang: ri houg: bang: we' loeb khoug: mo zheung: thu' lo boem lho: gyeungshang: da" voogung khyoo vang lo" boem wigi nyangnu" byu myoo" sho' mo nyangnu" ri lhoem: myang boem.
54 Dab vhoeb zoug: phoo yo" dage" Yesu ri zung" nyid mo, gyizoo: yi gi myid leig leig zi we bue" lo khyoo: aja: ja: ri myang lang" gi gye" gyug dain boem ziyo' ?he: yug gi gyeing" gyeing" nyang: Mangso da" nya: zoo: nghoid? ga: tid boem
55 Hau: joyoo mo vi" vi: moo yab jo, lho: yu" nyid da" myiyi: yi myoo" sho' mo, gi Galile mung" moo Yesu thang: cang lho: pang" thoug yu" da" myiyi: yi nghoid boem.
56 Nyangnu" moo Magadala Mari Yaku yo' Yoseb da" nya: myhi Mari yo' Zebedi da" yhoem seing: myhi' bang nghoid.
(Mar 15:42-47: Luk 23: 50-56: Yoh 19:38-42)
57 Akhid" myenthang: ju" loo lang" Armathi voo mo yoo" zoo: su: Yoseb ga: su: ju" re. Nyang: we' Yesu da" cangzoo: dayug nghoid.
58 Nyang: gi Pilaida zougpho' jhang moo vang yhe: lho: Yesu da" nghain" doem: ri mho' yu. Pilaid khokham gi Yesu da" nghain" doem: Yoseb ri byid: wa shid re" amyeung" khyo" kaid bye:.
59 Houg: su" wigi Yoseb gi Yesu da" nghain" doem: ri khyo yu lho: young" da": jidmoo" pain" seig yo' wigi thoeb too" bye:.
60 Hau: thang: ri lug pyo, moo aseig kyoung" to" da" nya: loeb moo yhe: kaid lho: loeb khoem" moo lug zeing daloem: tu: xau' myhid" too" kho' kho' lho: lo" byug bye:.
61 Loeb tu tab moo Magadala Mari yo' gootu: da" Mari zheung: zhoung: jo, nyid kho.
62 Hau: thang: Dougno: Bidnyid doem ju" lo ri khainjung agyi yi yo" Pharishe" gi Pilaid zougpho' jhang moo zheung: shau" go" boem.
63 ?Zoug: Phoo' we"- hau: da" byu mhoug phoo gi dei nyid shi" uri ?Ngoo gi shid: thang: mo soem" nyid" ri doem dei loo wa? ga: tid zi ngoonu" xoem" too" shi.
64 Houg: su" nghoid yoomo nya: loeb moo soem" nyid ju" sho' goo" lho: myhed" pyam lho: zung" nyid ca" shi" wa amyeung" byid: kaid we" ga: yhe: tid boem. Houg: su" akoid to: rigi nya: cangzoo: yi gi nya: mang ri re" khau" lho: vi: khyoo:- ayo" ci: loo" wa ziyo' nyang gi shid: jangmo doem dei loo bye ga: subi" ri ayo" tid fu" wa. Houg: lang": gi xangshid" mhau to" da" tho' moo thang: ri mhau da" khyoo: gi je shoid vhang: loo" wa yhe: tid boem.?
65 Houg: lang" Pilaid zoug: phoo gi ?zung" lhug da" gyidab ri khe: shu" yhi: ge. Hau: loeb moo goo" lhoo:- bui" sho' zung" lhug nyid nhang: ge? ga: amyeung" byid: kaid.
66 Houg: su" nghoid yoomo nyangnu" gi loeb khyoo yhe: wigi lugloem: tho moo dazid' baid tab lho: loeb ri goug" goug: myhid" to" wigi gyizoo: yi ri zung" nhang: to" boem.