49
1 He: zigi Amon yo' sen: wigi Aseing tid to" zi nghoid. Hau: zigi ?Israela byu yi khayoo: nghoid la". Nyangnu" mougmyid ri goem loem wa dayug we' anyid la". Nyangnu" gi Moleg ri no' da" byumyu" yiri Gad byumyu" kung: yi da" mougmyid ri ciwim seing: yu nhang: lho: houg moo tam: nyid nhang: ago" la".
2 Nghoid loug we' Raba voomoo" zeing mo byu yiri gyi khaid pui" thui: ri shoug" gyoo: nhang: wa ayo, ju" lo nyid da:. Hau: voomoo" zeing gi byo, yoin" jo, wigi nya: da" voogung joem gi myidgung khyoo: nge" gyoeb gyo" pyam shoug" wa. Houg: lang" Israela gi hau: mougmyid ri nyangnu" mo yu pyam byid: su: da" lo, mo doem yu wa.
3 Heshbon yi we"- kyi: ngau ge'. Ai voomoo" gi phyo' pyam shau" abye:. Raba myiyi: yi we"- koug ngau ge'. Jid: moo" byimi void wigi koug ngau ge'. Anhung akhoid gei ge'. Nanu" da" yu phara" Moleg gi nya: khainjung yi yo' khokham nu" yi yo' dage" pyoung" shu" lo" zi shau" goo" wa.
4 Jhug azug da" byu yi nanu" ciwim phau: boem la". Nanu" da" yoem: gi abui" loo: nghoid da:. Nanu" da" yoem: ri ciwim loem khau: wigi nanu" ri hang" we' gyi avoem" koid ein: ciwim tid boem la".
5 Ngoo gi nanu" ri shoid khang" moo" khyo" gyoug dain pho" zi ci: loo byid: wa. Nanu" dangain" tang" phang: loo" wa. Yugkhang" moo" nya: kangso' loid wa shid re" tang" phang: loo" goo" wa. Nanu" gyiphung: yiri doem cang khaid zheing" wa byu anyid wa.
6 ?Nghoid loug we' thang: ri ngoo gi Amon ri doem nyid gi yab gi nhang: wa. Ngoo Aseing tid too" bye:?
7 He: zigi Edom yo' sen: wigi myhang: thang Aseing tid to" zi nghoid. Hau: zigi ?Edom byu yi nyangnu" dang: phyed jang" mo loid abye: go" la. Nyangnu" da" phajhi" byid: bang: gi nyangnu" ri cikoid wa ziri ayo" tid kyoo" loo goo" rhe". Nyangnu" phajhi" dangain" bei: byug bye: rhe".
8 Dedan byu yi lheing: tau" lho: tang" ge'. Phang: goug" ge'. Ngoo gi Eso da" amyed ashen yiri phyo' shoin' pyam wa. Ciwim gari ngoo nyangnu" ri yooboo dam byid: wa ayo, ju" abye:.
9 Byumyu" yi zabyid shi" phyo' boem lang" nyangnu" anei moo dajhi' za: teing too" kho' ago". Myen" ri khyangtoug: yi re" wigi nyangnu" vho: gu: za: yu ci lo" ago".
10 Nghoid loug we' nyangnu" ayo" gau" nyid goo" wa shid re" Eso da" amyed ashen yiri ngoo bain sho' khyoid shang: pyam lho: nyangnu" gau" nyid da" joyoo ri phang pyam byid: bye:. Edom byu yi dangain" gi phyo' shoin' pyam shau" ago". Nyangnu" mo hang" we' adeing loo.
11 Nanu" da" cougzoo: nu" yiri ngoo yo' dage" nyhid: too" khoo' ge'. Nyangnu" ri ngoo goin coung: byid: wa. Nanu" da" cougmoo" myhi' yi ngoo ri yo" khau: nghe: wa.
12 ?Yooboo dam byid: zi ashau" eung: da" bang: lang" yooboo dam byid: da" koem: ri shug ca" ago". Yooboo dam ashau" lho: nanu" loid wa ein: jhoo: go" rhe". Anghoid- hau: koem: mo nanu" shug ca" da:.
13 Bazra voomoo" gi yu" gyoug yu" dain shau" shau" lho: dain" pyoid yoo bue" ri" wa ein: ngoo jham' tang: too" bye:. Byu yigi hau: ziri yi juang" pyam wigi hau: myeing ri nheing" khoin" khyo" ci: loo goo" wa. Aqei: ayam mo voogung joem gi apyaid atoo: moo byo, yoin" jo, wa. Ngoo Aseing tid too" bye:? ga: zi nghoid.
14 Ngoo tid zigi ?Edom we"- Aseing mo mungdang: ri ngoo shoug" kham: yu bye:. Nyangnu" gyidab joem ri zheing" too" wa byumyu" yiri tid kyoo" wa shid re" yo' nanu" ri gyi khaid zain: wa jen" jen" koid wa shid re" lagyoo: dayug ri nyang: nhang: kaid abye:.
15 Aseing gi nanu" ri yoem: neing: nhang: wa. Hang" we' nanu" ri aphoug" myang: goo" wa.
16 Nanu" da" nghoid boin zigi nanu" ri mhau' jhoem" pyam ago". Nanu" myid jho: yhi' hang" we' nanu" ri agyug goo" wa. Nanu" gi lug-ug myhang: da" boem vhu" moo nyid da:. Zoin bung: dadu: yhang: ti" myhang: da" joyoo moo nyid nyid sho' nghoid loug we' Aseing gi nanu" ri lang: khyo' yu wa. Aseing tid too" bye:?.
17 Aseing tid zigi ?Edom moo bue" loo wa da" byo, yoin" zigi gye" xoo: yoomo so" lid: lo" da" bang: yugkhang" moo" gi dain mo, wigi gyoug dain loo goo" wa.
18 Sodom yo' Gomora da" aqei: ayam voogung joem phyo' shoin' pyam shau" da" ayo, mo bue" zi yhang: ti" Edom moo bue" loo wa. Hang" we' houg: moo adoem nyid loo goo" wa. Ngoo Aseing tid too" bye:.
19 Mhain" pung thu: da" Yodan gyid gyung: yam cang lho: nyau young" da" coung" yoo khyoo: khang: khyi: dadu: thu lo yhang: ti" ngoo thu re" lho: Edom byu yiri nyangnu" mungdain: mo nyeigdain tung" tang" phang: loo" nhang: wa. Houg: lang" ngoo khyen: to" da" su: gi byumyu" ri vhoeb loo wa. Ngoo yo' kha: yug yo" tu' go" la". Ngoo ri pyi: hang" sho: la". Cite" da" vhoebkhang" su: gi ngoo ri gyi yo" koid wa la".
20 Houg: yoomo Edom byu yiri ngoo gyi koid wa soin' to" da" khyoo: yo' Teman voobyu yiri ngoo koid wa ein: soin' to" da" khyoo: ri tam" gyoo: ge'. Nyangnu" zooshang: yi lang" she: khyoid pyam zi shoug" loo goo" wa. Houg: lho: yugkhang" moo" gyoug dain loo goo" wa.
21 Edom gyoeb gyoo" loo" lang" mougmyid gyab goin" noin" da" thui: thu loo wa. Tid poin" byid: da" nyhoo: thui: gi Thoem" ni fi' ju" sho' shau" gyo: loo wa.
22 Gyivoo gi dung pyo: ci: wigi dang: gyoo" lo da" zoin bung: dadu: yhang: ti" Bozra ri gyikhaid loo wa. Hau: bidnyid moo Edom gyizoo: yigi zookhu: noo no da" myiyi: gyoug dain yhi' nghoid loo goo" wa? ga: zi nghoid.
23 He: zigi Damasku yo' sen: wigi Aseing tid to" zi nghoid da:. Hau: zigi ?Nyangnu" gi age da" lu dang: joem shau" gyo: boem bye: yoomo Hamad voomoo" yo' Arpad voomoo" joem gi myid ci' lho: yau: khi" shoug" nyid ago". Myid ci' khyoo: gi panglai: yhang: ti" nyangnu" dang moo deing: nhe' lo wigi nyangnu" doug ashau" noo: nghoid da:.
24 Damasku byu yigi yoem: neing: lho: gyoug dain lho: phang: lo" ago". Nyangnu" gi zookhu: noo no da" myiyi: dayug yhang: ti" no wigi kyi" khyeug shau" ago".
25 Goonham' lhoung pyo: wigi myeing gyi: da" voomoo" gi bain sho' she: pyam pyam zi shau" abye:.
26 Hau: bidnyid moo nya: da" zoolu: yigi fu" moo" khyoo: joem moo said pyam zi shoug" wa. Houg: lho: nya: da" gyizoo: yigi said toem" pyam zi shau" loo goo" wa.
27 Damasku vang joem ri ngoo myi: wigi nghe' lho: khokham Benhadad da" khokham kho" nge" gyoeb gyo" loo" wa. Ngoo myhang: thang Aseing tid bye:.
28 He: zigi Kedara byumyu" kung: yo' Babelon khokham Nebukhadneza wigi oung: pyam da" Hazora vhoeb da" moug: cang yo' sen: wigi Aseing tid da" dang: nghoid da:. Hau: zigi ?Kedara byu yiri khaid zain: ge'. Bid thu shoid mo byumyu" kung: yiri phyo' shoin' pyam ge'.
29 Nyangnu" da" zoem" joem yang kyung joem nyangnu" zoem" mo yabkyo' pain" ruang: joem ri yo' zoem" khoug: moo jo, ja: dangain" ri shoem" yu ge'. Nyangnu" da" Gola-ug joem yu wigi byu yiri ?Gyug dain pho" zigi nanu" lheing khoem moo nghoid da? ein: tid we'.
30 ?Hazora byu yi we"- vi: khyoo: tang" phang: yhe: lho: yhe: goug" wa shid re" ngoo Aseing nanu" ri tid poin" byid: bye:. Babelon khokham Nebukhadneza gi nanu" ri gyi gau" koid abye:. He: zigi nyang: tid da" dang: nghoid.
31 Hau: zigi ?Sage'- gau: nyu: goem loem tung" nyid boem da" hau: byu yiri ngoonu" yhe: khaid zain: shang. Nyangnu" da" voomoo" gi khoem" moo" joem- khoem" kyang joem aboo nghoid da:. Goem loem khyoo: ci: we' aboo nghoid da? ga: tid.
32 ?Nyangnu" da" Gola-ug joem yo' nyangnu" da" gougnyhoug dangain" ziri yu ge'. Nyangnu" da" xam: ri leung" leung" za: phyed ci: bang: ri khyi' khang" moo" khyoo: ngoo nhang: sain" kaid wa. Yau: khi" kyi" khyeug zi nyangnu" dang moo shoid khang" moo" khyo" ngoo bui" nhang: wa.
33 Hazora gi khuidkoo" joem za: nyid da" joyoo apyaid atoo: moo dain" pyoid yoo bue" pyam wa. Hau: joyoo moo hang" we' adoem nyid loo goo" wa. Ngoo Aseing tid too" bye:?.
34 Zedekia Yuda khokham bue" thang: amyang" ri Elam mung" yo' sen: wigi myhang: thang Aseing ngoo ri dang: tid da:.
35 Nyang: tid zigi ?Elam ri gye" yoem: boo nhang: da" lid: beig bang: dangain" ri ngoo said pyam wa.
36 Ngoo gi Elam ri shoid khang" moo" khyo" lid hau' nhang: wa. Nya: da" phang: khau: nyid bang: ayhe: nyid da" mungdain: ajo, loo sho' khyi' khang" moo" khyoo: nya: byu yiri ngoo khaid sain" kaid wa.
37 Nyangnu" ri said pyam nau da" nyangnu" gyivoo yi wigi Elam byu yiri ngoo gyoug nhang: wa. Nga" da" nheig joem: yo: zigi Elam byu yiri said toem" pyam lho: nyangnu" ri bain shoem" pyam sho' nyangnu" ri gyi koid da" gyidab joem ri ngoo nhang: kaid byid: wa.
38 Nyangnu" da" khokham yi yo' vhujhung: yiri said toem" pyam lho: nga" zhung: tang ri houg moo tu: to' too" wa.
39 Nghoid loug we' thang: rigi Elam byu yiri doem nyid gi yab gi nhang: wa. Ngoo Aseing tid too" bye:?.