48
1 He: zigi Moba yo' sen: wigi myhang: thang Aseing tid zi nghoid da:.
Hau: zigi ?Nebo byu yigi asho" ajhen: nghoid ago".
Nyangnu" voogung joem ri phyo' shoin' pyam shau" abye:.
Kiriathaim gi seing: yu pyam zi shau" ago".
Nya: da" yoem: bo gyidab voogung ri phyo' khyo' pyam abye: go".
Nya: da" voobyu yigi sho' phu" zi shau" ago".
2 Gyi: sheung: da" Moba gi bei: byug abye:.
Gyivoo yigi Heshbon ri seing: yu pyam bye:.
Houg: lho: Moba byumyu" mungdain: ri phyo' shoin' pyam wa gau" soin' boem bye:.
Madmen voogung gi tam" byug wa.
Gyidab joem gi hau: ziri thougtheung zain: loo wa.
3 Horonaim byu yigi
?Pyijoem: sho: o"- byo, yoin" khyoo: o"? ga: yoid nyho: boem.
4 ?Moba gi phyo' shoin' pyam zi shau" abye:.
Zooshang: yi kyi: ngau nyid ziri tam" gyoo: ge'.
5 Nyangnu" ngoug thui: ti" Luhit khyoo:
do, lo" da" khyoo: cang wigi shau" gyo: da:.
Nheigloem: thang wigi kyi: ngau da" thui: ri
Horonaim khyoo: gyoo" lo da" khyoo: cang shau" gyo: da:.
6 ?Myab ge'. Nanu" da" kangso' loid wa shid re" tang" ge'.
Dain" pyoid yoo mo loo zei: lam" tang" ziyo' dayhang: ti" tang" ge'? ga: nyangnu" tid go".
7 ?Moba we"- nang gi re" yoem: ri yo' re" jonu" ri loem khau: da:.
Nghoid loug we' akhid" lang" nang ri oung: pyam zi shau" abye:.
Re" da" yu phara" Khemosha gi
nya: da" khokham nu" yi yo' khainjung yi yo' dage" pyoung" shu" lo" zi shoug" wa.
8 Voogung daloem: we' byo, yoin" zi mo aloid wa.
Lang: khung" yo' jang: pa: eig ja: goin" byo, yoin" loo" wa.
Ngoo Aseing tid too" bye:.
9 Moba shid re" loeb lugzeing tu: zhug ge'.
Hau: zigi amyang" ri byo, yoin" zi shoug" wa.
Houg: mo voogung joem gi byo, yoin" jo, wa.
Houg: moo hang" we' adoem nyid loo goo" wa? ga: zi nghoid.
(
10 Nya: ung: khoug: nheigloem: dangain" yo' Aseing moo" ri akoid su: gi nheing" khoin" zang" baja" o". Azain: asaid da" su: gi nheing" khoin" zang" baja" o".)
11 Aseing tid zigi ?Moba gi khanham we' goug: nyu: tung" za: shoug" nyid wigi khanham we' pyoung" shu" lo" zi ashau" yu" nghoid da:. Moba gi aze" lhei' lho: to" to" da" zabyid yhid: yo' du wigi khanham we' jhuang: daloem: mo daloem: khyoo: foid zei zi ashoug" nghoid da:. Nya: da" zabyid shoem: gi khanham we' abyo, nghoid da:. Nya: da" main gi khanham we' ge nyid da:.
12 ?Houg: yoomo akhid"- Moba ri zabyid yhid: yhang: ti" foid pyam wa byu ngoo nhang: kaid wa ayo, gi ju" lo nyid bye:. Nyangnu" gi hau: da" zabyid jhuang: ri akoem: koid pyam lho: hau: joem ri ajab amhoin' baid khyoeb pyam loo wa.
13 Houg: lang" Israela byu yi nyangnu" loem khau: da" yu phara" Bathela wigi aphid" bui" nhang: pyam yhang: ti" Moba byu yi nyangnu" yu phara" Khemosha wigi phid" nhang: pyam zi shau" loo wa.
14 ?Moba byu yi we"- Ciwim yoomo sarhi' yi
gyipui" moo jham" yu" bye: voem" da" gyizoo: yi nghoid ein: tid go" la".
15 Moba yo' hau: voomoo" joem gi phyo' shoin' pyam shau" abye:.
Hougmo ge thang da" zoolu: yigi said pyam zi shau" abye: go".
Ngoo gi myhang: thang Aseing khokham nghoid.
Houg: lho: ngoo tid too" bye:.
16 Moba da" joem: lo" khyoo: gi jhang lo nyid bye:.
Hau: da" byo, yoin" zigi jhang lo nyid da:.
17 ?Hau: anam moo nyid boem wigi hau: da" myeing gyi: khyoo: ri shau" gyo: da" nanu" dangain"
Hau: byumyu" mungdain: shid re" koug ngoug ge'.
Nya: da" yoem: so' vhoeb zigi byo, yoin" byug bye:.
Nya: da" phung" yoeb yo' gyi: myhang: zigi ajo, loo nghoid da? ein: tid ge'.
18 Dibon moo nyid bang: nanu" we"-
ngi: shab da" nanu" joyoo mo gyoo" loo ge'.
Houg: lho: pheilhoug: boem" myidgung moo zhung: ge'.
Moba da" phyo' shoin' su: gi hid: moo nghoid wigi
Nya: da" gyidab voomoo" gi byo, yoin" jo, abye:.
19 Aroera moo nyid bang: nanu" we"-
Khyoo: yam moo yab jo, wigi lang" nyid ge'.
Tang" phang: lo" nyid bang: ri myid: ge'.
Ci bue" bye: ziri nyangnu" mo myid: co' yu" we'.
20 ?Moba gi gyoeb gyo" loo" bye:.
Nya: shid re" ngoug ge'. Hau: zigi ngi: yoem" zi nghoid da:.
Moba gi phyo' shoin' pyam zi shau" abye: ein:
Anon gyung: cang wigi tid fu" ge'? ga: nyangnu" tu" boem goo" wa.
21 ?Bougdoem: mo voomoo" joem ri dang: phyed wa da" akhyeing: ju" bye:. Hau: joem gi Holon- Yaza- Mephad
22 Dibon- Nebo- Bed Diblathim-
23 Kiriathaim- Bathgamula- Bethmeon
24 Keriod- Bozra voomoo" joem nghoid da:. Moba voomoo" vi: mo jang" mo dangain" moo dang: phyed zi ju" bye:.
25 Moba da" gyi: myhang: zigi mhoin' koid pyam abye:. Nya: da" yoem: so' gi phyo' shoin' pyam shoug" bye:. Ngoo Aseing tid too" bye:? ga: tid da:.
26 Aseing tid zigi ?Moba ri yhid: yed nhang: ge'. Ciwim gari nyang: gi ngoo ri gyi koid thougtheung abye:. Moba gi nyang: dug boem to" da" jang" moo lu: leung yeing" wa. Houg: lho: byumyu" yigi yi juang" lo boem wa.
27 Moba we"- Israela byu yiri nang khasu" yi juang" pyam ziri myid boin: rhe". Nang gi nyangnu" ri khyangtoug: yi yo' dage" shau" myheig yu ziyo' dakhyoo" ti" nyangnu" ri koid da:.
28 ?Moba moo nyid boem da" byu yi nanu" we"- nanu" voogung joem mo thu loo" ge'. Lug pyo' yoo moo yhe: nyid ge'. Nya: da" suid" ri dung" koem' nhoid moo soid koid da" pheing" kyoug" yhang: ti" bui" ge'.
29 Moba gi gye" nghoid boin: da:. Nyang: gye" nghoid boin- gye" phau:- gye" nheigloem: myang: khyoo:- nyangnu" nya: gung ri gye" myid myhang: khyoo: ri ngoo shoug" gyoo: bye:.
30 Ngoo Aseing gi nyangnu nghoid boin: ziri se'. Nyangnu" phau: zigi ciwe' anghoid da:. Nyangnu" koid da" moo" gi adeing jo, wa.
31 Houg: yoomo ngoo gi Moba mo byu yugkhang" moo" ri yo' Kira Heresa mo byu yiri shoem" pyam wa.
32 Ngoo gi Sibma byu yi shid re" Yazera byu yi shid mo tho' lang" ngoug wa. Sibma voomoo" we"- nang gi anyug joem thoem" shid: ri lid: phyed yhe: lho: Yezera ju" sho' nei yhe: da" zabyid nei yo' du da:. Nghoid loug we' akhid" gi re" da" xung" ayo, mo shi" joem yo' zabyid shi" yi phyo' shoin' pyam zi shau" abye:.
33 Ngei pyo: ziyo' gau yi zigi myidxu: ge' da" Moba mung" mo yu lo" byug abye: go". Zabyid nang: jang: mo zabyid yeing yau ziri ngoo toem' pyam bye:. Zabyid yhid: koid wigi gau lho: nyhoo: wa byu dayug we' anyid loo.
34 ?Heshbon byu yo Eleale byu gi nyho: yoid wigi nyangnu" nyho: ngau da" thui: gi Yehaza ju" sho' moo shau" gyo: da:. Hau: ziri Zora mo byu yi wigi shau" gyo: ago". Hau: ziri Horonaim yo' Eglad Shelishiya fi' mo shau" gyo: da:. Nimrim gyid zoo: lang kyug byug bye:.
35 Moba byu yiri nyangnu" noku da" joyoo mo xoin" nghe' ngei" byid: zi mo yo' nyangnu" yu phara" joem ri xoin" ngei" byid: jang" mo ngoo toem' pyam wa. Ngoo Aseing tid too" bye:.
36 ?Houg: yoomo nga" nheigloem: gi Moba yo' Kira Heresa byu yi shid re" byu shid: yhoem: moo dayug yug wigi khoolhang moid ziyo' dayhang: ti" koug ngau da:. Ciwim gari nyangnu" seing: gu: ja: khang" moo" gi bei: byug bye:.
37 Nyangnu" dangain" bang: gi nyangnu" vhuloem ri ko' pyam lho nyangnu" nhoid mei: joem ri yug pyam ago". Nyangnu" dangain" bang: nyangnu" lo, joem moo dam khoo: yham" ceig ci: wigi yugkhang" moo" gi jid: moo" byimi void ago".
38 Moba bang: da" yhoemkhung: tho' joem dangain" moo yo' hau: da" Shava jang: joem moo ciwe' ajo, koug za koug ngau nyid ago". Ciwim gari hang" wigi we' avho: da" yam: ri yhang: ti" Moba ri ngoo baid kho' pyam bye:.
39 Moba gi gyoeb byug bye:. Nyho: boem ge'. Moba gi ngi: yoem" zi shau" abye:. Hau: zigi byo, yoin" jo, lho: hau: lheing khoem moo nyid da" byumyu" yigi yi juang" pyam ago". Ngoo Aseing tid too" bye:.
40 Aseing dangsoo" byid: zigi dung pei: pyo: ci: da" zoin bung: yhang: ti" byu damyu" gi Moba adang moo dang: gyoo" lo wigi
41 Voogung joem yo' gyidab vang joem ri seing: yu pyam wa. Hau: bidnyid moo Moba gyizoo: yigi zookhu: da" myiyi: gyoug dain yhang: ti" gyoug dain wa.
42 Moba gi phyo' shoin' pyam shau" wigi byu damyu" abui" loo wa. Ciwim gari nyangnu" ngoo ri goemlu to' thougtheung yoomo nghoid.
43 Gyug nain" ja:- gyoin: duang:- lhid' joem gi Moba byu yiri lang" nyid. Aseing tid too" bye:.
44 Gyug nain" ja: mo phang: loid wa soin' su: gi gyoin: duang: moo byed gyoo" loo" wa. Gyoin: duang: mo yo" do, loid su: hang" nghoid loug we' lhid' moo myi" wa. Ciwim gari Moba da" byo, yoin" zigi Aseing nyang: ayo, mhe' too" byid: bye:.
45 Pang" thug byu ayo" da" phang: khau: nyid da" byu yigi goonham' khokham Sihon vhoeb lo da" voomoo" Heshbon moo goem loem khyoo: sho: ago". Nghoid loug we' houg mo myiyham: nghoid da" myi: gi mougkyoo" cang nge" wigi boem myhang: joem mo meing: zain: ziri oung: lung bu da" Moba byu yiri nge" pyam da:.
46 Moba byu yigi asho" ajhen: nghoid o". Khemosha ri no' da" byu yigi phyo' shoin' pyam shoug" lho: nyangnu" da" yuggi zoo: myiyi: zoo: yigi thung: byu khyo" myheig shu" loo" shau" ago".
47 Nghoid loug we' doem ju" loo wa da" ayo, moo Aseing gi Moba ri doem nyid de: nhang: wa. Aseing tid to" gu: dangain" gi Moba dang moo bue" loo wa.