24
1 Aseing gi Noku Yhoem: Moo" shidkhoin" moo to" to" da" lafoem' shi" eig gyoin ngoo ri ci: shug da:. (He: zigi Babelon khokham Nebukhadneza wigi Yehoiakim da" yuggi zoo: Yuda khokham Yehoiakhin ri thung: byu khyo" Yerusalem mo zi Babelon khyoo:- Yuda mung" mo vhujhung: yi lo, moo" koid bang:- moo" zoo" dab bang: yo' dage" shu" lo" thang: ri bue" zi nghoid da)
2 Xang: shi" gyoin moo no' mo phyo' to" da" lafoem' shi" ge zi bo da:. Gootu: dagyoin moo zoo: age da" lafoem' shi" age zi bo da:.
3 Houg: lang" Aseing gi ?Yeremia we"- nang cishau" myang la? ga: myid.
Ngoo gi ?Lafoem' shi" joem nghoid da:. Ge da" gyoin gi: gye" ge da:. Age da" gyoin gi:
age zoo: sho' gye" agi nghoid da:.
4 Houg: yoomo Aseing Ngoo ri
5 ?Israela Mangsoo- ngoo Aseing gi Babelon mung" khyoo: shu" loo" shau" boem da" byumyu" yigi he: ge da" lafoem' shi" joem yo' du wigi ngoo gi nyangnu" ri goolhoo' za: koid wa.
6 Ngoo gi nyangnu" ri lhoug zung" byid: wigi nyangnu" ri he: mung" khyoo: doem shu" tau" lo byid: wa. Ngoo gi nyangnu" ri zhug to" wigi nyangnu" ri aphyo' khyo' pyam wa. Ngoo gi nyangnu" ri sho" to" wigi aphoin' pyam wa.
7 Ngoo gi nyangnu" ri ngoo Aseing nghoid ziri si' wa vho: ngei myid kaid byid: wa. Houg: lang" nyangnu" gi nga" byumyu" yi nghoid loo wa wigi ngoo gi nyangnu" da" Mangsoo nghoid loo wa. Ciwim gari nyangnu" nheigloem: dangain" yo' nga" jhang tau" lo boem goo" wa.
8 ?Yuda khokham Zedekia- nyang: ri lheing khoem wigi nyid boem da" mung" vhoeb akhyoo" si' bang:- he: mungdain: moo nyid deing jo, bang: anghoid lang" Egutu khyoo: thoid yhi: bang: nghoid boem da" Yerusalem voobyu yiri koem' gi ngoo Aseing gi zoo: gye" age da" he: lafoem' shi" dangain" ri yhang: ti" nyangnu" ri koid wa.
9 Ngoo gi nyangnu" adang moo houg yhang: ti" da" yau: khe" kyi" khyeug zi bui" nhang: yoomo mougmyid dang mo byumyu" yi dangain" gi gyoug dain boem goo" wa. Byumyu" yigi nyangnu" ri juang"- nyangnu" khyoo: ri yi noug tu'- nyangnu" ri aphoug" akhyoid koid- nyangnu" da" myeing ri ngo wigi nyangnu" ri nyhid: sain" to" da" joyoo khyi' khang" moo" moo nheing" khoin" khyo" ci: loo goo" wa.
10 Ngoo gi nyangnu" adang moo gyipui"- zooyoid gyidshed khyoo:- noo phyoo" joem ri ngo wigi nyangnu" ri yo' nyangnu" phoug" phyid" yiri byid: to" da" mungdain: moo dayug we' adeing loo: sho' bui" nhang: wa? ga: tid da:.