2
1 Mougkhung: moo nyid bang: gi Aseing jhang re" thu shug wa ayo, doem ju" loo lang" nyangnu" phung: gung moo Satan we' yhe: bo nyid nyid da:.
2 Aseing gi nyang: ri ?Nang khayoo: lhung nyid yen" la"? ga: myid.
Satan gi ?Ngoo gi hid: khyoo: thu: khyoo: so" yen" lho: mougmyid ri koem" nyid? ga: tid da:.
3 Aseing gi ?Nga" dei zoo: Yoba ri shau" myang rhe" Mougmyid dang mo nyang: yhi' jhug zug wigi ge zi dayug we' anyid. Nyang: gi ngoo ri noku wigi akhyeing" ashoeb da" moo" daja: we' akoid loo sho' zid" nyid da:. Nyang: gi nyang: ri ce: sei: abo jang" moo phyo' shoin' wa shid re" ngoo ri jhu' phyo' nghoid loug we' Yoba gi goonham' mo yhang: ti" za: jhug dazug nyid ashi" da? ga: tid da:.
4 Satan gi ?Byu dayug gi kangso' yo' dei nyid wa shid re" ja: khang" moo" ri too" kho' boem wa.
5 Houg: yoomo akhid" nang gi nya: gung ri dam tab rigi nyang: nang ri re" myo, shid ti: moo nyang: nheing" loo wa? ga: tid.
6 Houg: yoomo Aseing gi Satan ri ?Nghoid bye:. Nyang: gi re" yoem: so' akhoug: moo nghoid da:. Nghoid loug we' nyang: ri nang age said pyam wa? ga: tid da:.
7 Hau: thang: Satan gi Aseing shidkhoin" mo thu lo" lho: Yoba da" gung dagung goin" moo byeing myug nhang: da:.
8 Yoba gi mhoid soid boem" nham moo yhe: zhung: jo, lho: oug" jab dajab wigi nya: gung ri khyeug nyid da:.
9 Nyang: yhoem: seing: myhi' gi nyang: ri ?Nang gi goo" uri yhang: ti" za: dajhug zug nyid ashi" nghoid rhe". Ciwim yoomo Mangsoo ri nheing" wigi ashid: lo" la"? ga: tid.
10 Yoba gi ?Nang ci: dang: kang: abo da" dang: ri tid nyid da:. Mangso wigi ngoonu" ri ge zi daja: ja: byid: uri ngoonu" lhoem: khab yu da:. Nyang: wigi yau: khi" bui" nhang: kaid ri ngoonu" khasu" yo" myeing" myoo: wa la"? ga:. Yoba gi nyang: yau: khi" shoug" kham zoo: nghoid loug we' Mangsoo ri thougtheung khyoo: daja: we' atid nghoid da:.
11 Yoba da" byencang" soem" yug gi Teman voomoo" mo Elipha- Shua moug: mo Bildad- yo' Nama moug: mo Zopha bang: nghoid ago". Yoba yau: khi" kha: yhi' kham zo: nyid ga: ziri nyangnu" shoug" gyoo: lang" nyangnu" nyang: ri nheig yhe: teing: wa ga: myid phyed ago".
12 Nyangnu" gye" vi: shi" mo nyang: Yoba ri myang ago". Nghoid loug we' nyang: ri ase' yu" nghoid ago". Nyangnu" yo" yu" se' boem lang" koug da" khyo" nyangnu" da" byimi ri lang: ceig ziyo' nyangnu" vhuloem moo phei" lhoug: geig gyoin: wigi koug kyi: ngau kaid ago".
13 Nyang: khayhi' kyi" khyeug kham zo: nyid ziri shau" myang boem lang" nyangnu" gi ce: dang: dakhoin" we' atid loo nyhed nyid" nyhed myen nyang: yo' dage" yhe: zhung: jo, ago".