YOHAN
LHID" FOIN: KAID DA" MOUGSOUG" EIGLOEM:
(2John)
Yohan eig lheung: foin: kaid da" mougsoug" gi phung sayen" phoo' mo wigi jheddab ziyo' khyen: yu to" da" myiyi: myhi' yo' nya: zoo: yi jhang khyoo: lhid" foin: da" mougsoug" nghoid. Voomoo" phung: daloem: yo' houg: mo phung: byu yi jhang khyoo: lhid" kaid da" mougsoug" nghoid eung: nyid. He: da" mougsoug" leung" zoo: moo phung: byu yi nyang: cang" nyang: jheddab go" nyid wa ziri joug, jhoin" kaid ziyo' mhau' da" sara yi yo' nyangnu" da" jhau" byid: da" khyoo: ri alhoem: kham: yu wa shid re" zid" nhang: nyid.1
1 Phoung sayen" phoo' mo wigi deingmain" khyo" ngoo jheddab nyid da" Mangsoo khyen: yu da" myiyi: myhi yo' nya: zooyi jhang khyoo: dang: pyeing: kaid. Nang ri ngoo za: we' anghoid- deingmain" da" khyoo: ri se' ci: bang: dangain"- gyeing" nyang: jheddab nyid boem.
2 Khasu" wim ga: ri deing main" da" khyoo: gi ngoonu" yo' dage" nyid nyid lho: houg: gi ngoonu" yo' dajo, jo, wa zi nghoid.
3 Phoo Mangsoo jhang mo we' hau' nya: pho da" nya: zoo:- Yesu Khristu jhang mo we' jeju" yo' nheigkhyeig shoomyen: khyoo:- ngeipyoo: myen, jham" khyoo: gi deing main" ziyo' jheddab khyo" wigi nanu" moo bue" loo baja" o".
4 Re" zooyi dayham" gi phoo' Mangsoo gi ngoonu" ri amyeung" tarha" byid: too" bye: ziyo' dakhyoo' ti" hau: deing main" da" khyoo: moo kangso dei cang yhe: lo" boem yoo mo ngoo gyi" sho' gau yi ngei pyo: nyid.
5 Hougsu" nghoid yoomo jheddab da" myiyi: myhi' we"- nanu" nyang: cang" dayug yo' dayug jheddab goo" wa shid re" ngoo nang ri mho' mho' sang: kaid. Hid: akhid" ngoo lhid" kaid da" khyoo: gi amyeung" tarha" nyang: nghoid bye:.
6 Akhid" ngoo tid nyid da" jheddab khyoo: ein: zigi Mangso da" amyeung" tarha" ri tam" gyo: cang yhe: lho: kangso dei nyid khyoo: ri tid zi nghoid nanu" dangain" bang: xangshid" ayang: mo nyang: shau" gyo; yu bye amyeung" tarha" gi nanu" dangain" mo, gi jheddab nheigloem: yo' kangso dei nyid ca' ein: da" khyoo: nghoid.
7 Yesu Khristu gi byu gungshoo" void ci: lho: ju" re" ziri ngeug pyam da" mhau' yen" mo, byu myoo" sho' mougmyid gyab, goem: sho' moo thu' lo" boem bye:- houg: yhang: te" da" byu yigi- mhau' yen" mo, yo' Antikhristu
8 nghoid nyid Ngoonu" zei: to" da" moo" ri nanu" aci: phyug loo: za: nanu" da" vhookung: phoug" ri byeung" sho' shau" kham: yu goo" baja"-
9 Nyang: tu: nya: gung ri lhid zid" nyid ge. Khristu da" jhau" shid khyoo: moo acang da" hau: ziri lid lo" bang: hang" nghoid loug we' Mangsoo yo' asen: loo:- hau: da" jhau" shid khyoo: ri khanham we' dacang nyid bang: hang" nghoid loug we' nya: phoo' yo' we' nya: zoo: yo" we' sen: su: nghoid nyid.
10 Byu dayug yug gi nanu" jhang moo ju" re" lho: hau: jhau" shed da" khyoo: ri aci: nghoid rigi hau: yug ri nanu" da" yhoem: moo avang, nhang" goo"- nyang: ri ngei pyo: nyid baja",, ein: lang" atid' goo".
11 Khasu' wim gari houg: su" being" lhoem: si' su hang" nghoid loug nyang: koid da" age khyoo: moo bo vang loem' su: nghoid nyid.
12 Ngoo nanu" ri tid nau da" khyoo: myoo" sho' yo" nghoid loug we' mougsoug" phyu: yo' lhid" cid" ci: lho: anau, lhid" loo:. Nyhang" ngei pyo: gau yi da" khyoo:- byeung" sho' yo" yu boem wa shid re" nanu" jhang moo ju" re" wigi nhoid yhoo: yo' shau" doem goo" wa ziri koem gi ngoo nheig byu nyid.
13 Mangso wigi khyen: yu shau" da" nang jheddab myhi' yi da" zooshang: yi gi nang ri vhu" kaid boem ago".