4
1 Hau: ayo, ju" loo lang" myiyi: nyhed yug gi yuggi dayug ri zei: ci: lho: ?Ngoonu" da" zoo: noem yo' byimi ri ngoonu" nyang: shoo: zoo: shoo: void wa. Nghoid loug we' ngoonu" yhoem: ayoo" wigi sho' phu" zi akham zoo: wa shid re" jeju" khyo" nang ngoonu" yhoem: seing: phoo nghoid ein: tid byid: la? ga: tid loo goo? wa.
Yerusalem ri Doem Nyheing Koid wa Khyoo:
2 Aseing gi agam khang" moo" ri zhung" wigi seiggam khang" moo" ri mungdain: khoug: moo yug gyi: ri" nhang: lho: yung" loo nhang: wa ayo, ju" lo nyid da:. Nyid deung jo, da" Israela byu yi dangain" gi gau yi boem wigi hau: mungdain: wigi yoo" nhang: da" gug zoo mei: loem: yoomo langi: koid loo goo? wa.
3 Nyid deing wa Aseing wigi khyen: lho: Yerusalem moo nyid deung jo, mo, gi gyeung" shang: bang: ga: myheing loo goo" wa.
4 Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.
5 Hau: thang: Ziun boem yo' houg mo zeing: foem: nyid da" bang: adang moo Aseing gi nyid" gung moo jhoemmoug" phung- myen" ri myikhoug" yo' bang da" myi yam: ri nhang: kaid byid: wa.
6 Nya: phung" yoeb gi nyid? moo bid lung ri bid shoem: byid: wigi moug: yo' uglid mo goug: nhang: wigi goug: goem joyoo koid byid: loo wa.