46
1 Yaku gi nyang: yoo" mooyoo" dangain" ri yoovoin soin' lho: nya: phoo Isag da" Mangsoo ri xoin" ngei" wa joyoo Berasheba khyoo: yhe: lo" da:.
2 Mangsoo gi myen" ri yoeb myang khyo" nyang: ri dang: re" tid zigi ?Yaku- Yaku? ga: lang"
?Ngoo hid: moo nyid o"? ga: tu".
3 ?Ngoo gi Mangsoo nghoid- re" pho da" Mangsoo nghoid- Egutu khyoo: yhi: wa shid re" nang aci' nyid. Ngoo gi hau: joyoo mo re" amyed ashen yiri byumyu" zeing yhe: bui" nhang: wa.
4 Ngoo gi Egutu khyoo: nang yo' dage" yhe: lho: re" da" amyed ashen' yiri he: joyoo khyoo: doem shu" tau" loo wa nghoid. Yoseb gi nang shid: uri nang yo' dage" nyid nyid wa bye:.
5 Yaku we' Berasheba mo thu loo bye:. Nya: zoo: yigi nyang: ri we' nyangnu" da" zooshang: yi yo' nyangnu" da" yhoem: seing: myhi' yiri we' Egutu khokham byid: kaid da" rheing" joem moo zhung: nhang: boem ago".
6 Nyangnu" gi Khanan mung" mo yo" yu da" nyangnu" da" gougnyhoug gougdoo: joem yo' jonu" joem dangain" yo' Egutu mung" khyoo: yhe: loo" bye:.
7 Nya: zoo: myiyi: zoo:- yuggi zoo: yi yo' nya: myid: zoo yi dangain" bang: ri Yaku yo' dage" shu" yhe: loo" bye:.
8 Nyang: yo' dage" Egutu mung" khyoo: yhe: loo" bang: Yaku da" yhoem: byu yigi nya: zoo: mang: zeing yug Ruben
9 Ruben da" nya: zoo: tang: yigi Hanug- Palu- Hezron- yo' Khami bang: nghoid.
10 Simun yo' nya: zoo: tang: yigi Yemuela- Yamin- Ohad- Yakhin- Zohara yo' Khanan myhi' mo da" yuggi zoo: Shaula bang: nghoid.
11 Levi yo' nya: zoo: tang: yigi Gershon- Kohad- Merari bang: nghoid.
12 Yuda yo' nya: zoo: yigi Shela- Phered- Zerag bang: nghoid lho: (Khanan moo shid: khare" da" nya: zoo: tang: gi Era yo' Onan nghoid). Phered da" zooshang: tang: gi Hezron yo' Hamula tang: nghoid.
13 Isakha yo' nya: zoo: yigi Thola- Phua- Yashub- Shimron bang: nghoid.
14 Zebulun yo' nya: zoo: yigi Sered- Elon- Yalela bang: nghoid.
15 Hid: bang: gi Mesopotamia moug: moo Yaku shid re" Lea khu: co' phyed byid: bang: nghoid wigi myiyi: nu" Dina we' boo shi". Lea da" ung: mo gyo" da" Yaku amyed ashen yigi soem" xe: soem" yug nghoid.
16 Gad yo' nya: zoo: tang: yigi Zephon- Hagi- Shuni- Ezbon- Eri- Arudi yo' Areli bang: nghoid.
17 Ashera yo' nya: zoo: tang: yigi Imana- Ishva- Ishvi- Beria yo' nyangnu" nhammoo" Sera bang: nghoid. Beria da" nya: zoo: gi Hebera yo' Malkhiela tang: nghoid.
18 Hid: bang: daxi: khyug yug gi Laban wigi Lea ri byid: kaid da" join myhi' Zilpha ung: mo gyo" da" Yaku amyed ashen bang: nghoid.
19 Yaku da" yhoem: seing: myhi' Rakhela gi Yoseb yo' Benyamin ri co' phyed byid: da:.
20 Egutu mung" moo Yoseb gi Heliopoli mo da" khainjung Photiphera da" nya: zoo: Asenad da" ung: khyo" Manashe yo' Ephrim zooshang: eig yug ri yoo" bye:.
21 Benyamin da" nya: zoo: tang: yigi Bela- Bekhara- Ashoela- Gera- Naman- Ehi- Rosha- Muphim- Huphim yo' Areda bang: nghoid.
22 Hid: bang: daxe: myid: yug bang: gi Rakhela da" ung: mo gyo" da" Yaku amyed ashen bang: nghoid.
23 Dan yo' nya: zoo: Hushim.
24 Naphtali yo' nya: zoo: tang: yigi Yazela- Guni- Yezera yo' Shilem bang: nghoid.
25 Hid: bang: nyhed yug gi Laban wigi nya: zoo: Rakhela ri byid: kaid da" join myhi' Bila da" ung: mo gyo" da" Yaku amyed ashen bang: nghoid.
26 Egutu khyoo: yhe: lo" da" Yaku amyed ashen gyeing" yigi khyug xe: khyug yug nghoid lho: houg: moo nya: dumoo" bang: aboo shi".
27 Egutu mung" moo Yoseb yo" too" bye: zooshang: eig yug nghoid lho: shu" re" lo da" Yaku yhoem: byu yi dangain" nyhed xi: yug nghoid boem ago".
28 Yaku gi Goshen moug: moo re" shoug" wa khyo" Yoseb ri yhe: tid lang" wa shid re" Yuda ri shid vhu" khyoo: nhang: kaid. Nyangnu" ju" re" lo ri
29 Yoseb gi nya: myang: rheing" zhung: thu loo bye:. Nyangnu" shoug" goo" lang" Yoseb gi nya: pho da" leung zeung: mo gap po: lho: soo" soo" myang" sho' ngau da:.
30 Yaku gi Yoseb ri ?Akhid" gi ngoo gi nang ri myang wigi nang dei nyid ziri si' bye: gang mo shid: ri we' myo, coem" wa bye:? ga: tid.
31 Hau: thang: Yoseb gi nya: mang: nhung" yi yo' nya: yhoem: byu yiri ?Ngoo lo" lho: Khanan mung" moo nyid da" nga" phoo yhoem: byu yi dangain" yo' nga" mang: bang: nga" jhang ju" bye: ein: khokham ri lo" tid ba.
32 Nanu" gi yang zoem: mo, yo' yhoem: myhu: gougnyhoug yoo" mo, nghoid wigi nanu" yoo" mooyoo" coid kyung- yang kyung- nu: kyung joem ci: ri" bye: khyoo:- nyang: ri ngoo lo" tid kyoo" ba.
33 Khokham gi nanu" ri khe: lho: ce: moo" zei: zo: khyoo: myid: lang"
34 Nanu" gi phoug" phyid" yi pyaid mo nyang: yhoem: myhu: gougnyhoug joem ri myhu: zo: lo khyoo: ri goo" lhoo: jhug jhug nyang: ri tid kyoo" ge'. Hougsu" tid kyo" khyo" nanu" gi Goshen moug: moo nyid nhang: wa zi nghoid? ga: tid. Yoseb hid: su" tid khyoo: gi Egutu byumyu" yigi yang zung" mo, yo' dajhi' we' azoem" khoug: boem yoomo nghoid.