43
1 Phang" khoug gi Khanan mung" moo je je xo: lo wigi
2 Yaku da" yhoem: byu yigi Egutu mung" mo ci: lo da" gug dangain" bain zo: thang pyam lang" Yaku gi nya: zoo: tang: yiri ?Doem tau" yhe: lho: nyha" shid re" zoo: shug dajhi' doem yhe: qei ge'? ga: tid.
3 Yuda gi nya: phoo ri ?Zoug: phoo gi ngoonu" da" nhung" ri ashu" re" rigi nya: jhang ngoonu" ari" wa shid re" ngoonu" ri thain: thain: nyang: pyeung: kaid bye:.
4 Nang gi ngoonu" da" nhung" ri bo nhang: kaid wa nghoid rigi ngoonu" gi re" shid re" zoo: shug qei wa shid re" yhi: wa nghoid.
5 Abo nhang: kaid nghoid rigi ngoonu" ayhi: wa. Khasu" wim ga: ri zoug: phoo gi ngoonu" da" nhung" ri ashu" re" rigi nya: jhang ngoonu" ari" wa shid re" ngoonu" ri tid kaid bye:? ga: tid.
6 Yaku gi ?Ciwim wigi nhung" gootu: dayug yo" khyoo: ri tid kyo" khyo" wigi thei" myid myoo: nhang: nyid go" la"? ga: tid.
7 Nyangnu" gi ?Hau: yug gi ngoonu" da" khyoo: yo' ngoonu" yhoem: byu khyoo: ri myid: ?Nanu" da" phoo nyid nyid shi" la"- nanu" moo gootu: nhung" yoo" shi" go" la"? ga: lang" ngoonu" gi nya: dang: myid: joem ri phuid: kyoo" bye:. Ngoonu" gi ngoonu" nya: nhung" ri shu" ri" we' ga: nyang: tid wa ein: ziri ngoonu" khasu" si' wa? ga: tid kyo".
8 Yuda gi nya: phoo ri ?Nhung" ri ngoo yo' dage" nhang: kaid we' houg: lho: ngoonu" akhid" nyang: thu loo wa. Houg: lang" nyhang" hang" we' zooyoid lho: ashid: wa.
9 Ngoo gi nga" kang: yo' nyang: kookham: kham: lho: nya: tho' moo yoovoin boo su: nghoid yoomo nga" jang" moo nyang: ri bo nhang: kaid we'. Ngoo gi nyang: ri re" jhang adoem shu" tau" lo nghoid rigi ngoo gi khanham we' nheing" khoin" dajha" zang" nyid baja".
10 Ngoonu" hid: myhang alang" nhung nyid nghoid rigi eig lheing: lhang" doem yhe: tau" loo wa bye:.
11 Nya: phoo nyangnu" ri ?Hougsu" nghoid rigi he: moug: mo thu da" ge thang ja: agyid: dajhi'- byooyhid: dajhi'- nam pyo: seig xu: dajhi'- batain shi" yo' Lashab shi" joem ri nanu" da" too: moo tho' lho: mung" zoug: moo" ri yhe: jhungshug ge'.
12 Ngei eig tu' myoo: sho' yu ci: yhi: ge'. Ciwim gari: nanu" thung: joem moo doem kaid tau" kaid da" ngei ri we' doem ci: tau" yhi: ca" wa zi nghoid. Hau: zigi kaid vhang: kaid zi danghoid boem wa.
13 Nanu" da" nhung" ri we' shu" yhi: ge'. Houg: lho: myab doem tau" loo ge'.
14 Myhang: thang Mangsoo gi hau: nheigboo phoo gi nanu" ri nheig khyeug shoo" myen: nyid baja". Nyang: gi Benyamin yo' nanu" mang: nhung" phoo Simun ri nanu" lo, khyoo: doem tau" ab kaid baja". Ngoo nya: shid re" koem' gi ngoo nga" zooshang: yiri ci: phyug pyam nghoid rigi byug loo" baja"? ga: tid.
15 Houg: yoomo nya: tang: yigi jhungshug yo' ngei eig tu' ri we' yu ci: lho: Benyamin yo' dage" Egutu khyoo: yhi: wa byen soin' bye:. Yoseb shidkhoin" moo nyangnu" gi ju" bye: khyoo: yhe: tid.
16 Yoseb gi nya: mang: bang: yo' dage" Benyamin re" lo ziri myang lang" nya: yhoem: khoug: mo moo" zei: da" dei zoo: ri ?Hid: bang: ri nga" yhoem: khyoo: shu" loo" we'. Nyangnu" ngoo yo' dage" nyid" zang zoo: wa nghoid. Houg: yoomo gougnyhoug said lho: soin' too" ge'? ga: tid kaid.
17 Dei zoo: phoo gi Yoseb nhang: ziyo' dakhyoo" ti" koid wigi hau: tang: yiri nya: yhoem: khyoo: shu" loo" bye:.
18 Nyangnu" gi yhoem: khyoo: shu" lo" nyid uri gyoug wigi ?Nyhang" gi xang: shi" lheing: ri nyha" thung: moo bo lo da" ngei da" gang mo nyhang" ri hid: khyoo: shu" lo nyid bye:. Nyangnu" nyhang" ri nyeigdain tung" gyi lhoem: koid bye:. Nyha" loo zei: ri yu pyam byid: lho: nyhang" ri nya: join koid nhang: wim bye:? ga: jho: boem ago".
19 Houg: yoomo yhoem: khoem" duang: moo ju" lang" nyangnu" gi dei zoo: phoo ri
20 ?Jeju" mo gyoo: byid: we' Aseing we"- nga" tang: yigi zoo: shug qei wa shid re" dalheing: re" yu" bye:.
21 Yhoem: lo" khyoo: moo ngoonu" da" thung: joem ri lo" phang yu" ri yugkhang" moo" jang" moo nyang: nya: ngei doem bo lo da:. Ngoonu" hau ngei nanu" jhang doem ci: tau" ri" bye:.
22 Ngoonu" gi zoo: shug doem qei wa shid re" ngei we' dajhi' doem ci: ri" bye:. Nanu" da" ngei ri ngoonu" da" thung: moo hang" doem kaid tau" kaid ziri ngoonu" hang" we' asi'? ga: tid boem.
23 Dei zoo: phoo gi ?Aci' goo"- Agyug noo"- nanu" da" Mangsoo- nanu" nya: phoo da" Mangsoo gi nanu" shid re" nanu" da" thung: moo kaid byid: kaid zi nghoid wa bye:. Nanu" da" ngei ri ngoo yo" yu bye:? ga: tid. Hau: thang: nyang: gi Simun ri we' nyangnu" jhang shu" ri" byid: bye:.
24 Dei zoo: phoo gi hau: tang: yiri yhoem: khoug: khyoo: shu" vang loo" bye:. Nyang: gi khyid: myo, lo, cid" wa shid re" gyid ri we' ci: re" byid: lho: loo zei: joem ri we' zoo zhoo" byid: bye:.
25 Nyangnu" gi nyid" gung ri Yoseb ju" loo lang" lhoem: byid: wa da" jhungshug ri jen" jen" nyheing soin' too" bye:. Khasu" wim ga: ri nyangnu" gi nyang: yo' dage" voem: zoo: wa nghoid.
26 Yoseb yhoem: khyoo: ju" loo lang" nyangnu" gi jhungshug ri nya: jhang ci: re" lho: nya: shidkhoin" mo myidjang moo goeb pid boem ago".
27 Nyang: gi nyangnu" da" yang" zain: khyoo: ri myid: lho: Nanu" ngoo ri tid kyo" da" nanu" nya: phoo zookho' gi yang" nyid lha"- nyang: gi akhid" ju" sho' dadei dayang" nyid shi" lha"? ga: wigi myid.
28 Nyangnu" gi ?Re" da" nu" nham' da" dei zoo: phoo ngoonu" nya: phoo gi yang" yang" za: dadei nyid ashi"? ga: doem tid boem ago". Houg: lho: nyangnu" gi nya: shidkhoin" moo poid thug thug lho: goeb pid boem ago".
29 Yoseb gi nya: nhung" Benyamin ri myang lang" ?Houg: ri he: yug gi nanu" tid da" re" tang: yi mo nge thang su: nghoid bye: lha". Nga" zoo: we"- Mangsoo nang ri mainkaid byid: baja"? ga: nyang: doem phoug tid.
30 Hau: thang: Yoseb gi nyeigdain tung" thu khare"- khasu" wim ga: ri nyang: gi nhung" ri nheig khyeug shoo" gyo: loo yoomo nghoid. Nyang: gi atho' oung: zeing: loo yoomo nya: yab khyoo: vang lo" lho: lo" ngau bye:.
31 Hau: thang: nyang: gi myo, cid" pyam lho: doem thu re" wigi nya: gung nyang: zeing: ci: lho: voem: dei zhoo" wa shid re" tid kaid.
32 Yoseb gi zoobui" daloem: moo zhung: lho: gootu: zoobui" daloem: moo nya: mang: nhung" yiri zhung nhang:. Egutu byumyu" yigi hau: yab mo joyoo goo" khyi' moo zo: boem ago". Khasu" wim ga: ri Egutu byumyu" yigi Hebre byu yi yo' dage" voem: azoo:- phoug" yoin, khyoo: nghoid.
33 Nya: mang: nhung" yiri zoobui" mo nya: shoid khyoo: myonhoo: shu: lho: apyaid khyo" cang lho: gyi: thang mo nge thang ju" sho' azoo" tung" zhung: nhang:. Nyangnu" ri hougsu" zhung: nhang: to" zi si' lang" nyangnu" nyang: cang" yu" moug" go" nyid boem da:.
34 Yoseb da" zoobui" mo shid" lho: nyangnu" ri voem: soin' zho" lo" wigi goobang: tho' re" Benyamin ri wim tu' je myoo: sho' kaid byid: da:. Houg: yoomo nyangnu" gi Yoseb yo' dage" yhid: yed sho' zo: shug boem ago".