17
(Gys 20:1-13)
1 Israela shava byu yi dangain" gi Sin dain" pyoid yoo mo thu yhe: lo" wigi Aseing amyeing" dang: jo, ziyo' dakhyoo" ti" joyoo daloem: mo daloem: khyoo: thoid byung: yen" ago". Nyangnu" Rephidim moo theing: nyid nghoid loug we' houg moo shug gyid ajo, nghoid ago".
2 Nyangnu" Moshe ri myeing" myo: wigi ?Ngoonu" ri shug gyid byid: we'? ga: tid ago".
Moshe gi ?Ciwim yoomo myeing" myo: nyid go". Ciwim yoomo nanu" Aseing ri jham" ca: yu" nyid ago" la"? ga: tid.
3 Nghoid loug we' byumyu" yigi gyid gye" shid ziyo' xo' wigi Moshe ri myeing" myoo: bye:. Nyangnu" gi ?Ciwim yoomo nang ngoonu" ri Egutu mo shu" thu lo la". Ngoonu" yo' ngoonu" zoo: yi ngoonu" gougnyhoug joem ri gyid shid wigi shid: nhang: wa ein: rhe"? ga: tid ago".
4 Moshe gi Aseing jang" moo loem jeing" wigi ?He" byumyu" yiri ngoo khasu" koid wa la". Ngoo ri nyangnu" lugboem yo' bain du" said loo: wa myang? ga: akyu" mho' bye:.
5 Aseing gi Moshe ri ?Nang yo' dage" Israela vhujhung: yi dayham" ri shu" ci: wigi byumyu" yi shidkhoin" moo yhe: loo" we'. Nang Nila gyid lang ri baid da" lhamdung: ri we' ci: yhe: we'.
6 Re" shidkhoin" mo Sina boem lug moo" zeing tho' moo ngoo yab jo, wa nghoid. Lug moo" zeing moo baid we'. Houg: lang" byumyu" yi shug wa shid re" hau: jang" mo gyid thu ri" wa zi nghoid? ga: tid. Moshe gi Israela byumyu" vhujhung: yi da" shidkhoin" moo hougsu" koid bye:.
7 He: joyoo gi Israela byumyu" yi ?Aseing ngoonu" yo' nyid la' anyid la'? ga myeing" myo: go" wigi Aseing ri jham" ca: yu" da" joyoo nghoid yoomo Masa yo' Meriba ga: myheing to" ago".
8 Rephidim moo Amaleg byu yi re" wigi Israela byumyu" yiri gyi re" zain: ago".
9 Moshe gi Yoshu ri ?Nab kyoo' Amaleg byu yiri yhe: zain: wa shid re" byu dayham" khyen: too" we'. Ngoo gi Mangsoo ngoo ri ci: nhang: da" lhamdung: ri ci: wigi bouggung tho' moo yab jo, wa zi nghoid? ga: tid.
10 Yoshu gi Moshe nyang: ri amyeing" byid: to" ziyo' dakhyoo" ti" Amaleg byumyu" yiri said wa shid re" thu yhe: loo" bye:. Moshe- Arun- Hura bang: we' bouggung tho' khyoo: do, lo" boem bye:.
11 Moshe nya: lo, ri tu: to" uri Israela byumyu" yi gyi oung: nghoid loug we' nyang: nya: lo, ri doem khyo' kaid lang" Amaleg byumyu" yi doem oung: lo nyid da:.
12 Moshe da" lo, myung: loo lang" Arun yo' Hura gi lugzeing koid: wigi nyang: ri zhung: nhang: lho: nya: tang: gi bidvang sho' nya: ayham' moo yab wigi nya: lo, ri adei lhoo: nyang: tu: ci: byid: bye:.
13 Hidsu" khyo" wigi Yoshu gi Amaleg byumyu" yiri bain sho' said pyam da:.
14 Hau: thang: Aseing gi Moshe ri ?He: oung: doid khyoo: ri myid boin: nyid baja"- lhid" too" we'. Ngoo gi Amaleg byumyu" yiri bain sho' said toem" pyam wa ein: ziri Yoshu ri tid kyoo" wa? ga: tid.
15 Moshe gi phoin: daloem: koid wigi hau: ziri ?Aseing gi nga" dungkhoin: nghoid da? ga: myheing da:.
16 Nyang: gi ?Aseing da" dungkhoin: ri myhang: sho' tu: to' too" we'. Aseing gi Amaleg byu yiri apyaid atoo: thougtheung gyi zain: loo: wa? ga: tid.