13
1 Aseing gi Moshe ri
2 ?Israela byumyu" zooshid" dangain" yo' gougnyhoug joem mo xang: shi" xang" da" aloo: dangain" ri we' ngoo seing: nyid yoomo zooshid" dangain" nga" shid re" shugbyid: ge'? ga: tid.
3 Moshe gi byumyu" yiri ?Nanu" join koid nyid da" joyoo Egutu mung" mo nyang: shu" thu lo da" bidnyid he: nyid" ri boin: nyid ge'. He: bidnyid gi Aseing nanu" ri nya: gyi: sheung: yoem: so' yo' shu" lo zi nghoid. Doocid" kaid da" zooyho' ri azoo: goo".
4 Abi lhammoo" khyab nghoid da" xang: shi" khyab he: nyid" ri Egutu mo nanu" thu lo ago".
5 Aseing gi nanu" da" phoug" phyid" yi Khanan byumyu"- Hiti byumyu"- Amori byumyu"- Hivi byumyu"- Yebusi byumyu" mung" joem ri byid: wa ga: dangsoo" byid: to" da:. Nyang: gi nanu" ri hau: myidnu" mougnu" mung" khyoo: shu" lo" uri nanu" gi zain khang" zain xang: shi" lhammoo" khyab moo hau: pui" ri koid ca" ago".
6 Nyhed nyid" akhoug: moo doocid" abo da" zooyho' ri nanu" zo: wigi nyhed nyid" nyid" rigi Aseing ri phau" myang: ngi: shab da" pui" ri koid ca" da:.
7 Hau: nyhed nyid" akhoug: moo doocid yo' koid to" da" zooyho' ri age zoo: wa nghoid. Hau: doocid" yo' koid to" da" zooyho' doocid" ri nanu" mung" kha" jang" moo we' ayo" jo, wa nghoid.
8 Nanu" Egutu mo thu lo uri Aseing nanu" shid mo koid da" moo" zoo" yoomo nanu" hau: pui" koid khyoo: pui" shid" yo' nanu" nya: zoo: yiri tid phuid: kyoo" ge'.
9 He: thung" ri: gi nanu" lo, anghoid lang" ngilang: moo tei" tab to" da" ja: yhang: ti" poin" byid: da" khyoo: nghoid loo wa. Hau: zigi xo' lho: nhoid khyoo yoo" sho' nghab xoem" wa ziyo' Aseing tarha" ri jhau" yu wa shid re" nanu" ri poin" byid: loo wa. Ciwim gari Aseing gi nya: yoem: so' moo" khyo" wigi Egutu mung" mo shu" thu loo yoomo nghoid da:.
10 He: pui" ri zain khang" zain tu' to" ayo, akhyeing: ri koid nyid ge'.
11 Aseing gi nanu" yo' nanu" phoug" phyid" yiri dangsoo" byid: to" da" Khanan byumyu" yi mung" khyoo: nanu" ri shu' vang loo" wa. Nyang: hau: mung" ri nanu" ri byid: lang"
12 Nanu" gi Aseing ri xang: shi" khu: da" yuggi zoo: zooshid" yugkhang" moo" ri shugbyid: ca" zi nghoid. Nanu" da" gougnyhoug mo xang: shi" xang" da" aloo: zoo: du: khang" moo" gi Aseing nyang: seing: da" zi nghoid.
13 Nghoid loug we' loo zei: mo xang: shi" xang" da" aloo: zoo: du: khang" moo" ri yang nu" ri gungthid shugbyid: wigi Aseing lo, mo doem ge qei yu da:. Nanu" loo zei: ri hougsu" anoug thid qei nghoid rigi houg joem da" leung zeung: ri myheig khyoug pyam ca" wa nghoid. Nanu" gi nanu" da" yuggi zoo: zooshid" yugkhang" moo" ri we' doem qei yu ca" da:.
14 Ju" loo wa da" ayo, moo he: tarha" da" dang: kang: nanu" zoo: yi myid: lang" nanu" gi nyangnu" ri ngoonu" ri join koid nhang: da" joyoo Egutu mung" mo Aseing gi gyi: sheung: yoem: so' yo' ngoonu" ri shu" thu loo bye:.
15 Egutu khokham nheigloem: thain: wigi ngoonu" thu loo" wa akhang" ri ngeug pyam uri Aseing gi Egutu mung" mo zooshid" yuggi zoo: yugkhang" mo" ri yo' xang: shi" xang" da" aloo: zoo: du: khang" moo" ri said pyam da:. Houg: yoomo ngoonu" gi gougnyhoug mo xang: shi" xang" da" aloo: zoo: du: khang" moo" ri Aseing ri xoin" to' zi nghoid. Nghoid loug we' nanu" da" zooshid" yiri gi yo" tau" qei yu da:.
16 He: thung" ri: gi ngoonu" lo, yo' ngilang: moo lhid" tab to" da" ja: yo' dakhyo" poin" byid: da" khyoo: nghoid loo wa.Aseing gi nya: gyi: sheung: yoem: so' yo' nyhang" ri Egutu mung" mo shu" thu loo bye: da" ziri nyhang" ri tid poin" byid: ri" wa?? ga: tid da:.
17 Byumyu" yiri Egutu khokham wigi yhi: nhang: kaid lang" Philisti mung" panglai: yam khaid khyo" khyoo: jhang nghoid loug we' Mangsoo gi nyangnu" ri hau: khaid khyo" ashu" loo" nghoid da:. Mangsoo gi ?Byumyu" yi gyi shoug" zain: wigi nyangnu" myid ri thid lho Egutu mung" khyoo: doem tau" loo" wa ziri ngoo avhoo:? ga: myid yu" nyid.
18 Houg: gungthid Thoem" Ni dain" pyoid yoo khyo" wigi nyang: houg: bang: ri shu" lheing: loo" bye:. Israela byumyu" yi we' gyi khaid pui" shid re" sham: lham: yo' nghoid ago".
19 Yoseb gi Israela byumyu" yiri koid ge' ga: dangsoo" byid: too" khoo' yoomo Moshe gi Yoseb da" manggung ri nyang: yo' dage" yu ci: loo" bye:. Yoseb gi ?Mangsoo nanu" ri khyoid yu da" uri nga" manggung ri we' nanu" yo' dage" he: joyoo moo bo ci: loo" ge'? ga: tid bye:.
20 Israela byumyu" yigi Sukhod mo thu lo" wigi Etham ga: da" dain" pyoid yoo ayam moo lo" theing: nyid boem bye:.
21 Nyangnu" myen" ri we' nyid" ri we' gyung: yo" soo" baja" ga: Aseing gi nyid" ri nyangnu" shid moo jhoemmoug" zeing khyo" wigi nyangnu" ri khyoo: shid lho: myen" rigi myizeing wigi nyangnu" ri khyoo: shid bye:.
22 Byumyu" yi da" shidkhoin" moo nyid" rigi jhoemmoug" zeing- myen" rigi myizeing khanham we' jo, da:.