1 Aseing gi ngoo ri dang: tid da:. 2  Nyang: gi ?Shid: se' da" byu we"- zabyid nei yo' seiggam khasu" yo" tu' goo" wa la". Siyoo mo seiggam joem yo' tu' go" da" zabyid nei mo akung: dakung: gi ce: akyu" bo la". 3 Hau: ziri daja: ja: koid wa shid re" nang yo" ci: la". Nang gi hau: ziri zi lhang" wa kyo" khyalang" yo" koid lha". 4  Hau: zigi myi: moid wa shid re" za: dage da:. Houg: lho: athang: joem myi: dab lo wigi agung moo nge" joem: pyam lho: nang hau: ziri daja: ja: yo" koid la". 5 Hau: zigi ange" byug shi" rilang" ce: akyu" aboo nghoid da:. Akhid" hau: zigi myi: nge" pyam wigi myi: moeb bue" byug bye: yoomo hau: zigi je akyu" aboo loo: nghoid da?.

6 Akhid" he: zigi yoem: moo" bo Aseing tid nyid zi nghoid. ?Zabyid nei danei ri siyoo mo yu lo wigi nghe' pyam yhang: ti"- ngoo gi Yerusalem moo nyid da" byu yiri shu" yu wigi 7 Nyangnu" ri yooboo dam byid: wa. Nyangnu" gi myi: mo phang: loid loo" bye: nghoid loug we' akhid" nyangnu" ri myi: nghe' pyam wa. Ngoo nyangnu" ri yooboo dam byid: uri ngoo Aseing nghoid ziri nanu" se' loo goo" wa. 8 Nyangnu" gi ngoo ri jhug azug nghoid ago". Houg: yoomo ngoo gi hau: mungdain: ri dain" pyoid yoo koid pyam byid: wa? Yoem: moo" bo Aseing tid bye:.