27
1 Hau: thang: Moshe gi Israela vhujhung: yi yo' dage" hau: byumyu" yiri ?Akhid" nyid" ngo wigi nanu" ri byid: to" da" jhau" shid dang: dangain" ziri tam" gyo: nyid ge'.
2 Nanu" gi Yodan gyid lang gu: dab wigi Aseing wigi nanu" ri byid: wa mung" khyoo: vang yhe: da" bidnyid ri lug boem moo" joem ri tu: zhug wigi hau: joem ri ingade shoin" ca" goo" wa.
3 Hau: adang moo he: tarha" joem yo' jhau" shid dang: dangain" ri lhid" too" ge'. Nanu" phoug" phyid" da" Aseing Mangsoo wigi nanu" ri dangsoo" byid: to" da" moug myid nu" da" mung" khyoo: nanu" yo" vang yhe: wigi
4 Yodan gyid lang dashoid khyoo: ju" yhi: lang" akhid" nyid" ngoo nanu" ri jhau" shid ziyo' dakhyoo" ti" Ebala boem moo he: lug boem moo" joem ri tu: zhug to" wigi hau: joem ri ingade shoin" pyam ge'.
5 Hau: joyoo moo joto' ziyoo aci: loo: za: lugboem joem yo' phoin: daloem zhug ge'.
6 Ciwim gari nanu" Aseing Mangso shid re" nanu" zhug da" phoin: kha: loem: nghoid loug we' akho' pyam da" lugzeing wigi koid ca" da:. Hau: joyoo moo nghe' ngei" da" xoin" we' nanu" ngei" byid: ca" da:.
7 Houg: lho: nanu" gi xoin" ngei" byid: wigi zoem" khau: xoin" ri zo: lho: nanu" Aseing Mangso shidkhoin" moo jeju" boin: so" nyid ca" da:.
8 Ingade shoin" to" da" lugboem moo" joem adang moo Mangso da" tarha" joem mo dang: khoin" khang" moo" ri bang bang za duang sho' lhid" tab too" ca" da? ga: tid da:.
9 Hau: thang: Moshe gi Levi khainjung yi yo' dage" Israela byu dangain" ri ?Israela byumyu" yi we" sam: zoo: nyid wigi nga" dang: ri tam" gyoo: ge'. Akhid" nyid" nanu" gi Aseing Mangsoo da" byumyu" bue" lo abye:.
10 Houg: yoomo nyang: ri tam" gyo: wigi akhid" nyid" ngoo nanu" ri byid: da" nya: tarha" dangain" ri cang nyid ge'? ga: tid.
11 Hau: thang: Moshe gi Israela byumyu" yiri
12 ?Nanu" gi Yodan gyid lang ri bain gu: dab thang: ri byumyu" yiri mainkaid dang: tid uri Gerizim boem moo vhoo: mo akung: joem yab jo, wa zi nghoid. Houg: bang: gi Simun- Levi- Yuda- Ishakha- Yoseb- yo' Benyamin kung bang: nghoid wa.
13 Hau: thang: nheing" khoin" kaid nyid uri Ebala boem moo vhoo: mo akung: joem yab jo, wa zi nghoid. Houg: bang: gi Ruben- Gad- Ashe- Zebulun- Dan yo' Napthali kung bang: nghoid wa.
14 Levi byumyu" yigi he: dang: khoin" joem ri thui: zeing yo' tid ca" da:.
15 ??Lugboem- seig- anghoid lang" joto' yo' soolhoo: koid wigi hau: ziri khau" no' yug hang" ri nghoid loug we' Mangso nheing" khoin" zang" baja". Aseing gi soolhoo: no' ziri ngheing" da? ga: tid baja". Hau: thang: byumyu" yi dangain" gi ?Amen? ga: tu" wa zi nghoid.
16 ?Nya: phoo anghoid lang" nya: myhi' ri sho' phu" nhang: su: hang" nghoid loug we Mangso nheing" khoin" zang" baja". Houg: lang" byumyu" yi dangain" gi ?Amen? ga: tu" wa zi nghoid.
17 ?Yhoem: kyoo" cang" da" kyoodoem: ri shu" pyam yug hang" nghoid loug we' Mangso nheing" khoin" zang" baja". Houg: lang" byumyu" yi dangain" gi ?Amen? ga: tu" wa zi nghoid.
18 ??Myo, jed yug ri anghoid shoid khyoo: toin" shed yug hang" nghoid loug we' Mangso nheing" khoin" zang" baja". Houg: lang" byumyu" yi dangain" gi ?Amen? ga: tu" wa zi nghoid.
19 ?Tungbau byu yi coug" zoo yi yo' cougmoo" yi da" akho: akhang" ri abyid: su: hang" nghoid loug we' Mangso nheing" khoin" zang" baja".
Houg: lang" byumyu" yi dangain" gi ?Amen? ga: tu" wa zi nghoid.
20 ??Nya: phoo da" yhoem: seing: myhi' dayug yug yo' gung shoo" zoem" wigi nya: phoo ri sho' phu" nhang: su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.
21 ?Gougnyhoug dadu: yo' gung shoo" zoem" su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.
22 ?Nya: nhammoo" seing: anghoid lang" myhi' phoo dayug shoin" da" nhammoo" yo' gung shoo" zoem" su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.
23 ?Nya: yugmyhi' yo' gung shoo" zoem" su: hang" nghoid loug we' Mangso nheing" khoin" zang" baja"?
?Houg: lang" byumyu" yi dangain" gi ?Amen? ga: tu" wa zi nghoid.
24 ?Byu gau" said su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.
25 ?Yooboo abo da" su: ri said pyam wa shid re" aphoug" ngei khab yu su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.
26 ?Mangso da" tarha" joem yo' jhau" shid dang: joem dangain" ri atam" gyoo: su: hang" nghoid loug we' Mangso nheing" khoin" zang" baja".
?Houg: lang" byumyu" yi dangain" gi ?Amen? ga: tu" wa zi nghoid.