1 Danyid" ri Petru yo' Yohan eig yug gi myenthang: soem" nayi: koo: moo akyu" mho' wa shid mo Noku Yhoem: Moo" khyoo: yhe: lo" ago". 2 Young" lho, ga: myeung da" khoem" duang: moo khu: jangmo nyang: khyid: agi su: dayug nyid. Hau: khyid: agi su: ri Noku Yhoem: Moo" khyoo: vang yhe: loo" mo", jangmo ngei mho' zoo: baja" ga:- khoem" duang: yam, moo nyid" khang" moo" yhe: dang nyhid: too" too" koid boem. 3 Hau: khyid: agi su: gi Petru yo' Yohan Noku Yhoem: Moo" khyoo: vang re" zi myang lang"- nya: eig yug ri daja: ja: mho' da. 4 Nya: eig yug gi khyid: agi su: ri- yu" zhug to" lho: Petru gi nga" eig yug ri yu" we' ga: tid. 5 Houg: yoomo hau: khyid: agi su: gi- nya: eig yug jhang mo daja: ja: yo" yu abe ga: yu" zhoug to". 6 Petru gi ?Ngoo gi ngei dakyab, we' ayoo nghoid loug we' ngoo yo" ja: nang ri byid: wa. Nazared mo Yesu Khristu da" myeing yo' ngoo nang ri amyeung" byid:- to' yab, lho: khyoo: so" loo" we? ga: tid. 7 Hau: thang: ri Petru gi hau: khyid: agi su: da" lo, yo lo, moo zei: lho: she: to kaid. Dalheung: dam hau: khyid: agi su: da" khyid: yo' khyidmyo, pyoin: moo yoem: bo lo wigi nyang: byam, to yab, lho: khyoo: so" loo" bye:. 8 Nyang: gi Mangso jeju" ri thu byam, coung" nghei zoore nya: eig yug yo" dage Noku Yhoem: Moo" khyoo: bo vang lo. 9 Houg: moo nyid da" mungbyu yi gi nyang: gi hougsu" khyoo: so" zoore Mangsoo ri coung" nghei ziri myang ago". 10 Houg yoomo nyangnu" gi nyang: gi young" lho' khoem" duang: nam, moo zhung: jo, lho: lhoung mho' zo: nyid su: nghoid ziri yu" se' boem wigi nyang: moo bue" lo moozoo" ri nyangnu" dangain" mo, mau" hang" to" boem ago".

11 Sholumun da" being" jang" moo hau: yug gi Petru yo' Yohan ri cang zei: nyid uri- byu yigi yu" mau" ziyo' nyangnu" jhang khyoo: gei re" boem. 12 Petru gi mung" byu yi ri myang lang- Israela byu yi we" nanu" cenoem wim wigi hid: yhi' moug" go" lha". Nanu" ciwim wigi nga" eig yug ri yu" zhoug too" la". Nga" eig yug da" yoemso yo' Nga" eig yug da" gyeungshang: joeb byeung" nyid yab, khyoo: yoomo he: yug ri yo" so" loo" nhang: su" jhoo: go" la". 13 Abraham Isag yo' Yaku da" Mangsoo nghoid nyid ngoonu" phoug" phyid" yi da" Mangsoo gi Nya: deizoo: Yesu ri yoem: moo" phung yoeb, byid: to" abye:. Nghoid loug we' nanu" gi nyang: ri amyeung" ci: mo, da" lo, moo, ab, byid: pyam lho- Pilaid gi nyang: ri pyoin kaid wa ga: lang" bain myid phyid to" thang: ri nanu" gi Pilaid' shidkhoin" moo nyang: ri he: ngeug pyam boem abye: go". 14 Nyang: gi gyeungshang: ziyo' gi su: nghoid- nghoid loug we: nanu" gi nyang: ri he: ngeug" pyam ago". Byu said su: ri she' nanu" lhoid pyoin kaid wa shid re" Pilaid jhang nanu" mho' ago". 15 Nanu" gi kangso Aseing ri said pyam ago". Nghoid loug we' Mangsoo gi nyang: ri shid: jangmo doem dei to' loo nhang: bye:. Ngoonu" gi hau: da" sagsi nghoid nyid boem. 16 Houg: yoomo nya: myeing yo' yoemso gi- he: khyid: agi su: ri ge loo nhang: bye:. Nya: myeing ri loem" jeing" khyo" wigi nanu" myang se' ziyo' dakhyoo" ti" bue" lo zi nghoid bye:. Nanu" shau" myang ziyo' dakhyoo" ti" Yesu ri loem" da" nheigloem: wigi he: khyid: agi su: ri goolhoo: za: ge loo" nhang: abye:.

17 Nga" mangnhung" yi we' nanu" yo' nanu" da" vhujhung: yi Yesu ri koid lid lo da" moo" gi asi aboin: loo: za: koid ziri ngoo si' bye:. 18 Mangsoo nya: da" Meshia gi dayam, dayoo: kham zoo: wa nghoid ga: Mangsoo gi goonham gooco' mo Lapi: yi dangain" khyo" tid fu" to" lho: hau: lapi: dang: gi hid: bue" nyid khyo" wigi joeb byeung" loo nhang: bye:. 19 Hougsu" nghoid yoomo nanu" nheigloem: ri thid' ge. Mangso jhang doem tau" loo ge. Houg: lang" Nyang: gi nanu" da" yooboo joem ri khyoid pyam byid: wa zi nghoid. 20 Nanu" hougsu" koid boem nghoid rigi Aseing jhang mo Venyi: yoem: vhoo" yo" yu wa da" ayo, ju" loo wa nghoid. Xo' lho: wigi nanu" shid re" khyen: nyheung too" byid: gu nghoid da- Meshia Yesu ri nyang: byid: wa zi nghoid. 21 Mangsoo gi goolheung: mo Nya: gyeungshang: da" Lapi: yi nhoid dang: khoin" thui: khyo" tid kyo" to" ziyo' dakhyoo" ti" ja: khang" moo" ri aseig doem koid pyam da" ayo, aju" ju" gi Nyang: gi mougkhung: tho' moo nyid nyid ca" da. 22 Moshe Doem tid zigi nanu" da" Aseing Mangsoo gi ngoo ri nhang: kaid ziyo' dakhyoo" ti" nanu" jhang khyoo: lapi: dayug nhang: kaid wa zi nghoid. Nyang: gi nanu" da" byu" myu" khoug: mo dayug nghoid lho: Nyang: nanu" ri koid nhang: da" khyoo: joem dangain" ri nanu" tam" gyo: nyid ca" boem wa nghoid. 23 Hau: Lapi: tid da" mungdang: ri a phau" cang loo" su: gi Mangso byumyu" mo kho' khyo pyam zi shau" lho: lhu: phyo' lhu: shoin pyam zi shau" wa nghoid ga: tid. 24 Hau: lho: Samuela yo' Nya: thang: moo ju" ri" mo, mungdang: ri yo" da" lapi: yi dangain" mo, gi he: da" bidnyid moo bue" nyid da" khyoo: dangain" ri we' lapi: pe: too" bye:. 25 Hau" lapi: yi da" nhoid dang: thui: khyo" byid: to" da" Mangso dang: theing joem gi nanu" shid re" nghoid nyid. Mangsoo gi nanu" phoug" phyid" yo' koid to" da- dang: theing moo boo mo, nanu" we' boo bye:. Mangsoo gi Abraham ri ?Ngoo gi re" myed: re" zoo: yi khyo" wigi mougmyid xangsu: byu yi dangain" ri mainkaid byid: wa? ga: tid to". 26 Hougsu" nghoid yoomo nanu" yug khang" moo" ri akhyeung" da" lo, moo" mo doemtau" loo nhang: khyo" wigi nanu" ri mainkaid byid: zi yo" yu wa shid re" Mangsoo gi Nya: deizoo: ri khyen: yu lho: nanu" jhang khyoo: Nyang: ri xangshid" nhang: kaid byid: abye:- ga: kho" kyo".