3
Jerusalem mary i sa tamang nai kamngo hawi atleu naira nga nai
1 Amy mary i khumichi ai malawn py ana pumpi iy, hawi y sa naimy atiu reng nai Jerusalem mary ly taham si.
2 Huni mary ly Areng i leu pei nai tangai y. Mymy i thui pi nai reita patawm y. Mymy ai ym y. Areng teng i kasabawmra py hnei y.
3 Huni pri ai peang nai miteaung kehchi ly khrangsi chochi hawi atawm. Tara chih nai keungchi py khri pa-rei dupha len nai deaungkho y, khawn mang y khrairei hiu harei py aphi su ai ngai y nai kajeu alam nai kasui chochi hawi atawm.
4 Amochi ly kalop so y nai, ka-ym by y naichi lawm u bo. Pathyp pi nai keungchi ly meingtym kachai y chai hai y i, Tameuh i reita leu pei naichi ai mymychi i vui hawi ai naira mang y pahi iy, thui pachai u bo.
5 Na i py Areng ly huni mary theung y awm jo rai. Mymy ly hawi nairachi naini sa iy, hawi y nairachi ly mana khala py so y. Khawn tleirei mymy i khumichi ai paleung phra y naimy, kahawi tara chih nai ne. Na i py hunira i khumi hawi y naichi ly hawi y nairachi sa u jojo. Nichi teng y kangji kangai py by y.
6 Areng my, “Kai ly khumi cheaungkhangchi ai, kataphra be veng bo. Nichi i marychi ai kataphra pawn iy, mary apaichi, amtangrachi ai py phra seaungkhrang hai bo. Marychi ly khumi angso savai tlang iy, lamchi ra py aleaung ali nai by y, khumi leaungrei py by y leang bo.
7 Huni neng khala kai i khumichi ly kai ai jei kaji naimy tahm khai iy, kai i pei nai reita tanga u ai, nanai py, kai i parip naichi ai mana khala py tami u ai ny y, nanai py kai athang khai. Na i py nichi ly avaw avawrei, hawi y nai kalop ai sa tleaung sa u ra nai ne.
8 Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.
9 Naibaly kai ly khumi cheng bawibawichi ai palum pachai teang iy, nichi ly tameuh takhrachi ai chiu y naimy, kai ai naini chiu u ai. Nichi bawibawi py kai i leu tangai u ai.
10 Ahei dan nai kai i khumichi ly palo parai nai Ethiopia pri dengdairei malawn py, kai teng y katalamrachi ang syn u ai.
11 Aw Kai i khumichi awi, huna nai khala nangchi ly kai ai tiu u nai molam y, kaji ai nai ngai y leang bo. Kai ly paleung len nai khumi, amlyh am-e nai khumi ngiereichi ai taphra pawn ai; nangchi ly mo mang y mana khala py, Jerusalem mary i chai parai nai mawi salo y, kai ai tiu u ai ny y.
12 Paleung apanem, neaung hawi nai khumichi ai, huni meingtym y kaimy khai ai. Nichi ly kai teng y jeu iy, abyh u ai.
13 Dei kamthum Israela khumichi ly ami ai py tamang u ai ny y. Leu ka-chawi katheu nai py, tapawp ai nai atho sa ai nai py, sa u ai ny y. Nichi ly chawn, pa u ai. Ami ai py jei y iy, chymme naimy awm u ai,” napi.Ref 3:13 Amt 14:5
Amo theu naimy thui nai khulym
14 Aw Israela khumichi awi, amo theu naimy khulym thui u!
Aw Jerusalem mary awi, nang ly paleung pathym hawi verei amo theu u!
15 Areng ly nangchi i kamngochi taphra ai;
Mymy ly nangchi i paleung ka-echi ai, tama hai vui bo.
Israela chengchi i samrang Areng ly nangchi hawi vanrei awm;
Vai, nangchi ly jei ai naira by y leang bo.
16 Huni kani y Jerusalem mary ai, hina nai thui ai,
“Aw Zion mary awi, jei moh!
Nang ly kiu angto y naimy awm moh!
17 Nang i Areng Tameuh ly nang hawi vanrei awm;
mymy i sa thai naira hawimy, nang ly eaung naira nga ai.
Areng ly nang i tlang tleaung y amo theu naira nga ai.
Mymy ly mymy i tamen naira hawi nang ai deung kangthanote 3:17\xk deung kangtha: Hebrai leu y “awmnem naira” nanai sai ne.\x*ang pei ai.
Mymy ly nang i molam y, amo theu nai khulym thui ai.”
18 Areng my, “Pawi prang sa naira y nangchi i paleung si vo nai ai,kaimy aphi pi veng bo.
Nang i tahm phra nai ai, kaimy taphra pi veng bo.
19 Nang ai ana nai khumichi ai
kaimy pajeng ai nai neng tym ai.
Kai ly kheu tabai nai khumi bawibawichi ai atleu iy,
pri palara avum nai khumichi ai, mymychi i pri y pahawi ai.
Nichi i kangji nga nai ly tahm awm nai mang y amtlau hai ai.
Khaileaung pri khumichi my nichi ai palo u ai.
20 Ahei dan nai nangchi i chengchi ai
mychi i pri mang y hawi ali teang nai neng tym ai!
Kai ly nangchi ai khaileaung pri verei y amthang hai ai.
Nangchi ai nang chawn hai teang ai,” napi.
Hini ly Areng my thui pi nai leu ne.