ZEPHANIAH
I AMO LEU
1
1 Hini leu pei nai ly Ammon i chapo Juda samrang Josia deung y, Zephaniah teng y pei nai leu ne. (Zephaniah ly samrang Hezakia kangpreang Amariah, Kedalia hawi Kushi dengdairei kangpreang ne.) Ref 1:1 2 Areng 22:1—23:30; 2 Neng 34:1—35:27
Areng my tara chih nai kani
2-3 Areng my, “Kai ly khumichi, tawnbawichi, tavochi hawi ngochi py takhawi y, khaileaung pri y awm nai ngiereichi tamyh pawn ai. Khumi hawi y naichi ai atlym hai ai.note 1:3\xk atlym hai ai: Hebrai leu y tliu charum charei hai ai, nanai sai ne.\x* Khumi bawibawichi ai kaimy taphra ai. Dei y naimy leaungrei py tleaung ai ny y. Hini ly kai, Areng my kang thui pi nai leu ne.
4 “Kai ly Jerusalem mary hawi Juda pri y awm nai khumi bawibawichi ai katamyh ai. Huni meingtym y Bala tameuh ai chiu nai sai kataphra be ai i, amimi py huni tameuh teng y kalop sa nai pathyp pi nai keungchi ai pany jo ai ny y .
5 Yhm amphu salo y lyn iy kanito, lo, ka-si taukichi ai chiu nai ngiereichi ai, kaimy taphra pawn ai. Kai ai chiu naimy ka-ym awm ai mang, nanai vaineng abeu chum iy Mole amyn y vaineng abeu nai khumichi ai py, katamyh pawn ai.
6 Kai i nithun y abang y naimy, amphri vui nai khumichi ai py, kai teng y ahihawi y, kai i lam patei nai ai hnei y nai khumichi ai py, kaimy tamyh pawn ai,” napi.
7 Areng my tara chih ai nai neng ly ang tym ai bo. Hunai deaungkho y mymy i mo y chymme naimy awm u. Areng ly mymy i khumichi ai pathyp ai nai angveirym i, Judachi ai lawm ai nai, paleung ka-echi ai palau bo.
8 Areng my, “Huna nai apathyp ai nai neng kani tym nai khala y, samrang i bangtangchi, samrang i chapochi hawi cheng takhrachi i reita teaung nai khumichi ai pajeng ai.
9 Myn y chiu nai khumichi kamta sa naichi ai py, mychi i yhmkeung yhmnote 1:9 mychi i yhmkeungchi yhm; ti y baly nichi i tameuh yhm.y lawm nai vawnsaichi nga angym hai ai nai molam, khumichi ai padei naichi ai py, kaimy tamyh pawn ai,” napi.
10 Areng my, “Huni neng kani y Jerusalem mary ngo apai katheu pa-khora y vo nai raawi thai u ai. Mary kangtha mang y khumichi vo nai raawi py, mawi aheungchira y phra nai katynchi py thai u ai.
11 Mary ka-nem mang y awm nai khumichi awi, hini satangchi thai nai khala vo u. Ati mana nai mo na baly ka-sum ka-pai kalen sa nai khumichi ly dei u ai.
12 “Huni neng khala y kai ly maisi yhm syn iy, Jerusalem mary theung y hau ai. ‘Areng ly hawi nai, hawi y nai, ati sai py so vai y,’ nanai athang khai iy thui nai khumichi, amychi ai tahm apasang iy paleung tienem naichi ai, kai ly pajeng ai.
13 Khumi takhrachi ly huni khumichi i yhmtheaung katuichi lawm iy, nichi i yhmchi taphra u ai. Nichi ly mychi sa nai yhmchira y, mana khala py awm ai nai nga u ai ny y. Mychi i ui nai kreip akhochira i kreip hang py, nei ai nai nga u ai ny y,” napi.
14 Areng my tara chih ai nai kani kalen ly kasa bo i, kasa tleaung kasa ra bo. Huni neng kani ly tym kasa ai! Huni kani ly hawi y keh nai deaungkho y, sorai paleung awm keh nai risa malawn py, paleung phra naimy aeu ai.
15 Huni kani ly kado theu keh nai kani, ngari kamtang hawi paleung bi nai kani, phra seaungkhrang iy tama pawn nai kani, khri pa-rei veng cheng iy khupanym tho parai nai kani,
16 amtangra marychi, asang parai nai lengseaung yhmchi ai tiu nai, risachi i baw eng nai katynchi, aeu nai raawichi hawi amsau nanai kani ne.
17 Areng my, “Kai ly khumichi tlang tleaung y khri pa-rei patang naira tym hai ai i, khumi luteng ly mei kamju kamta kaveng theung y patham mengmang iy tako u ai nai tla ai. Nichi ly kai i tlang tleaung y kamngo sa u bo. Naibaly kai ly nichi i thi ai tui kamta lai vui ai. Nichi i veuchi py khaileaung salo y veaung tlawn naimy awm ai,” napi.
18 Areng i kado theu nai huni kani y, huni khumichi ly mychi i muku tangka awm nai ngierei pei u teu i py, tlang atleu u pajau ai ny y. Khaileaung pri verei ly mymy i kado theu nai mai y kang i, phra be ai. Mymy ly khaileaung pri y awm nai ngiereichi ai, vaimy myh pawn na pa-rei tara chih ai.