4
Paleung mei y maisi yhm khaira niu nai
1 Kai hawi leu arum nai kani pri amtaw thau nai ly ang jeu bi iy, i ngym nai khumi ai i palaw nai kamta, kai ai i palaw chum baly,
2 ni my, “Nang ly ati niu mo?” nanai ang deng. Kaimy py, “Muku maisi yhm khaira kaniu; maisi yhm khaira kateang meaung salo y maisi khau harei awm. Maisi yhm khaira salo y maisi teicha saryh saryhrei awm nai, maisi yhm saryhrei awm.
3 Maisi yhm khaira tengpang y, olive keung nyh rei awm, lamtang mang y harei, langvawi mang y harei ne,” nanai kapathang. Ref 4:3 Amt 11:4
4 Naibaly kai ly kani pri amtaw thau nai teng y, “Areng awi, hinichi ly ati leaungsaichi ai pata nai mo?” nanai deng.
5 Kani pri amtaw thau nai my, “Nang pany y nai sai a?” ang napi.
Kaimy py, “Areng awi, kai pany y,” nanai kapathang.
10 Kani pri amtaw thau naimy kai teng y, “Maisi yhm saryhrei ly khaileaung pri verei y niu pajau nai, Areng i mei saryhrei ne,” napi.Ref 4:10b Amt 5:6
11 Naibaly kai ly ni teng y, “Maisi yhm khaira tengpang sahawi y awm nai, olive keung nyhrei i awm nai sai ly ati mo?Ref 4:11 Amt 11:4
12 Olive asitui leaung nai muku lawn nyhrei sahawi y awm nai, olive changpi nyhrei i awm nai sai py ati thui nai mo?” nanai kadeng.
13 Nimy kai teng y, “Nang pany y nai sai a?” ang napi.
Kaimy py, “Areng awi, kai pany y,” nanai kapathang.
14 Huna nai khala kani pri amtaw thau nai my, “Hinichi ly khaileaung pri verei y peang nai keung, Tameuh i kalop sa ai nai mymy vawi takhra iy khai takhra pi nai khumi leaung nyhrei ne,” ang napi.
Zerubabela teng y Tameuh i leu adeu pi nai
6 Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai. Ref 4:6 Ezra 5:2
7 Mawichi kamta khri pa-rei rai nairachi ly nang i mo y tama vui ai. Nang ly Achura yhm sa palum teang ai. Yhm taki i lengseaung tleangleang nai sa chum nai khala y, mipuichi my, ‘Apu parai na a, apu parai na a!’ nanai aeu u ai,” napi.
8 Areng teng i dengdairei takhra leu pei nai kai teng y ang tym bi.
9 Mymy ly “Zerubabela ly Achura yhm leng nai amteaung chum bo. Ni ly huni yhm sa nai pajau ai bo. Huna nai pacheang chum nai khala y kai i khumichi my nichi teng y, nang ai pato nai keung ly ati cheaungkhang sa thai nai keung kai, Areng ne, nanai pany u ai.
10 Ni ly Achura yhm sa naira y amcheang pajau y nai molam y, paleung phra u teu i py, Zerubabela ly Achura yhm y suju amto syn iy yhm sa veangveang nai niu u nai khala ly amo theu u ai,” napi.